شہری سے چوری کی گئی موٹر کار آزاد کشمیر سے برآمد کرکے دو ملزمان کے خلاف مقدمہ درج کرلیا

منگل 29 مئی 2018 21:56

پشاور(اُردو پوائنٹ اخبارتازہ ترین - این این آئی۔ 29 مئی2018ء) تخت بائی پولیس نے ایک کاروائی کے دوران ایک شہری سے چوری کی گئی موٹر کار آزاد کشمیر سے برآمد کرکے دو ملزمان کے خلاف مقدمہ درج کرلیا۔

(جاری ہے)

تفصیلات کے مطابق گذشتہ سال اکتوبر کے مہینے میں نامعلوم ملزمان نے ایک شہری سید احمد ولد حاجی سرفراز خان سکنہ غنڈو کاٹلنگ سے اس کی گاڑی موٹر کار نمبر بی 3876 اس وقت سرقہ کرلی جب وہ تخت بائی میں ایک جنازہ میں شرکت کررہے تھے ۔اے ایس پی تخت بائی کی ہدایت پر تخت بائی پولیس نے تفتیش شروع کی اور خفیہ اطلاع پر دھیر کوٹ آزاد کشمیر سے گاڑی برآمد کرلی اور مالک کی رپورٹ پر دو ملزمان عدالت حسین سکنہ کشمیر اور سید محمد سکنہ سوات کے خلاف مقدمہ درج کرلیا ۔

متعلقہ عنوان :