غیر قانونی بھرتیوں کے الزم میں گرفتار سابق چئیرمین متروکہ وقف املاک بورڈ سید آصف ہاشمی کے جوڈیشل ریمانڈ میں 12جون تک توسیع

منگل 29 مئی 2018 22:43

لاہور۔29 مئی(اُردو پوائنٹ اخبارتازہ ترین - اے پی پی۔ 29 مئی2018ء) لاہور کی احتساب عدالت نے غیر قانونی بھرتیوں کے الزم میں گرفتار سابق چئیرمین متروکہ وقف املاک بورڈ سید آصف ہاشمی کے جوڈیشل ریمانڈ میں 12جون تک توسیع کردی, عدالت نے ائندہ سماعت پر آصف ہاشمی کو ریفررنس کی نقول فراہم کرنے کی ہدایت کردی،لاہور کی احتساب عدالت کے جج جواد الحسن نے کیس کی سماعت کی.

(جاری ہے)

دوران سماعت پراسیکیوشن نے دلائل دیے کہ آصف ہاشمی نے ملی بھگت سے سیمیز ہا لنک میں 1870 ملین کی غیر قانونی انویسٹمنٹ کی جبکہ ملزم آصف ہاشمی نے 777افراد کو متروکہ وقف املاک بورڈ میں غیر قانونی طور پر بھرتی کیا. پراسیکیوشن نے مزید دلائل دیے کہ ملزم کیجانب سے بطور چئیرمین ای ٹی پی بی تمام منٹس آف میٹنگ سائن کیے گئے اور خطیر رقم کی منتقلی ہوئی, جبکہ ملزم آصف ہاشمی کے خلاف اختیارات کے ناجائز استعمال اور پرائیویٹ کمپنی کو ناجائزمالی فائدہ پہنچانے کے شواہد بھی ملے ہیں.

آصف ہاشمی کے خلاف ریفرنس بھی دائر کر دیے گئی. عدالت نے پراسیکویشن کے دلائل مکمل ہونے پر آئندہ سماعت پر ملزم کو ریفرنس کی نقول فراہم کرنے کی ہدایت کرتے ہوئے آصف اہاشمی کے جوڈیشل ریمانڈ میں 12جون تک توسیع کردی۔