خانیوال،موٹروے پولیس کی ہائے وے سے متصل ہوٹلوں کے خلاف کریک ڈائون

منگل 29 مئی 2018 23:45

خانیوال۔ 29مئی(اُردو پوائنٹ اخبارتازہ ترین - اے پی پی۔ 29 مئی2018ء) آئی جی موٹروے پولیس امجد جاوید سلیمی ،ڈی آئی جی سنٹرل زون احمد ارسلان ملک،ایس ایس پی سیکٹر II- ، ملتان غلام جعفرکے حکم پر بیٹ نمبر 18 ، خانیوال میںڈی ایس پی محمد حسن بھٹی کی زیر نگرانی ڈسٹرکٹ فوڈ اتھارٹی کے تعاون سے ہائی وے سے متصل تمام ہوٹلوں و ٹرک و بس اڈوں پر موجود کھانے پینے کی گھی سے بنی اشیاء رکھنے والوں کے خلاف کریک ڈائون کیا گیا جس میں ایسی تمام جگہوں پر ناصرف کارروائی کی گئی جہاں پر ناقص گھی اور اشیاء موجود تھی اور ڈسٹرک فوڈ کنٹرولر نے اُن کو بھاری جرمانے بھی کئے۔

(جاری ہے)

مزید تمام ہوٹل و دوکان مالکان کوسختی سے بریف بھی کیا گیا کہ ایسی دوبارہ غلطی کی صورت میں سخت کاروائی عمل میں لائی جائے گی۔اس موقع پر آپریشنل آفیسر انسپکٹر محمد یونس بھی موجود تھے۔