لاہور، 25 جولائی کو عوام کا فیصلہ پیپلز پارٹی کے حق میں آئے گا،ثمینہ خالد گھرکی

اس دن پیپلز پارٹی ملک بھر سے عوام کے ووٹوں سے ملک گیر کامیابی حاصل کرکے اقتدار میں آئے گی،صدر شعبہ خواتین پنجاب پیپلز پارٹی

منگل 29 مئی 2018 23:20

لاہور (اُردو پوائنٹ اخبارتازہ ترین۔ 29 مئی2018ء) پاکستان پیپلز پارٹی شعبہ خواتین پنجاب کی صدر ثمینہ خالد گھرکی اور پیپلزپارٹی شعبہ خواتین لاہور کی جنرل سیکرٹری سونیا خان نے کہا ہے کہ 25 جولائی کو عوام کا فیصلہ پیپلز پارٹی کے حق میں آئے گا اس دن پیپلز پارٹی ملک بھر سے عوام کے سہارے اور ان کے ووٹوں سے ملک گیر کامیابی حاصل کرکے اقتدار میں آئے گی ۔

ان خیالات کااظہار انہوں نے شعبہ خواتین کے اجلاس سے خطاب کرتے ہوئے کیا ۔

(جاری ہے)

ثمینہ خالد گھرکی اور سونیا خان نے کہا کہ الیکشن میں ہم اپنے قائدین آصف علی زرداری اور بلاول بھٹو کی قیادت میں ملک بھر سے کلین سویپ کریں گے میں نے اپنے حلقہ کے عوام کے لئے پیپلز پارٹی کے دور حکومت میں یہاں پر گھر گھر سوئی گیس پہنچایا انہیں بجلی مہیا کی جس طرح سے یہاں پر ترقیاتی کام کروائے ہیں اور جس طرح سے اس حلقہ میں آنے والے ایک ایک گائوں کی پسماندگی کو دور کرنے کے لئے کام کیا ہے اس کے بعد یہاں سے پیپلز پارٹی کی کامیابی یقینی ہے ۔