بال ٹمپرنگ میں پابندی کا شکار ڈیوڈ وارنر اور کیمرون بینکرافٹ مقامی کلب ٹورنامنٹس میں شریک ہونگے

سابق کپتان کی دو ون ڈے میچز میں شرکت کی تصدیق ہوگئی، بینکرافٹ پورے ایونٹ کیلئے دستیاب ہونگے

بدھ مئی 13:57

میلبورن(اُردو پوائنٹ اخبارتازہ ترین۔ 30 مئی2018ء) بال ٹیمپرنگ میں پابندی کا شکار آسٹریلوی پلیئرز ڈیوڈ وارنر اور کیمرون بینکرافٹ مقامی کلب ٹورنامنٹس میں شریک ہونگے، سابق کپتان کی دو ون ڈے میچز میں شرکت کی تصدیق ہوگئی، بینکرافٹ پورے ایونٹ کیلئے دستیاب ہونگے۔

(جاری ہے)

تفصیلات کے مطابق جنوبی افریقہ کے دورے کے دوران بال ٹیمپرنگ اسکینڈل میں ملوث پائے جانے والے ڈیوڈ وارنراور کپتان اسٹیون اسمتھ پر ایک ایک برس جبکہ اوپنر کیمرون بینکرافٹ پر 9 ماہ کیلئے انٹرنیشنل اور ڈومیسٹک کرکٹ کے دروازے بند کردئیے گئے تھے تاہم انھیں نچلے درجے کے کلب مقابلوں میں شرکت کی اجازت دی گئی، اسی کے تحت اب وارنر اور بینکرافٹ نے ناردرن ٹیرٹری میں ایک محدود اوورز کے ٹورنامنٹ کیلیے معاہدہ کیا ہے۔

سابق نائب کپتان 21 اور 22 جولائی کو دو ون ڈے میچز کھیلیں گے جبکہ بینکرافٹ پورے ٹورنامنٹ کیلئے دستیاب ہونگے۔ این ٹی کرکٹ کے چیف ایگزیکٹیو موریسن کا کہنا ہے کہ ہمیں خوشی ہے کہ کیمرون اور ڈیوڈ ہمیں ڈارون میں کھیلی جانیوالی اسٹرائیک لیگ میں جوائن کررہے ہیں۔

متعلقہ عنوان :