کامیڈی کی نسبت سنجیدہ یا المیہ اداکاری کرنا آسان ہے، دھرمیندرا

بدھ 30 مئی 2018 14:21

ممبئی۔ (اُردو پوائنٹ اخبارتازہ ترین - اے پی پی۔ 30 مئی2018ء) بالی وڈ اداکار دھرمیندرا نے کہا ہے کہ کامیڈی کی نسبت سنجیدہ یا المیہ اداکاری کرنا آسان ہے۔

(جاری ہے)

بھارتی ذرائع ابلاغ کے مطابق اداکار دھرمیندرا نے کہا ہے کہ انہوں نے کبھی بھی سٹار بننے کے خواب نہیں دیکھے تھے، وہ تو صرف سلور سکرین پر آنا چاہتے تھے اور چاہتے تھے کہ لوگ انہیں دیکھیں اور دل سے چاہیں، سٹارز کچھ عرصے چمکتے ہیں اور پھر ان کی چمک اور مقبولیت میں کمی آجاتی ہے لیکن ایک اداکار اپنی وراثت یا میراث پیچھے چھوڑ جاتا ہے۔

انہوں نے کہا کہ کامیڈی کی نسبت سنجیدہ یا المیہ اداکاری کرنا آسان ہے، ایک اداکار کے لئے طنزو مزاح بہت ضروری ہے اور وہ اپنی جوانی کے دنوں میں بہت ہنسی مزاق کرتے تھے اور صرف یہی نہیں کہ ایک اداکار کی خود کی عزت نفس بھی بے حد اہم ہے۔ دھرمیندرا فلم ’’یملا پگلا دیوانہ 3‘‘ میں دکھائی دیں گے۔