وفاقی کابینہ کل رات 12 بجے تخلیل ،ْحکومت ختم ہوجائیگی

پاکستان میں پہلی مرتبہ مسلسل دوسری جمہوری حکومت آئینی مدت مکمل کرے گی وزیراعظم کو چیف ایگزیکٹو آفس سے روانگی پر مسلح افواج کے دستے سلامی دیں گے

بدھ 30 مئی 2018 16:41

وفاقی کابینہ کل رات 12 بجے تخلیل ،ْحکومت ختم ہوجائیگی

اسلام آباد (اُردو پوائنٹ اخبارتازہ ترین - این این آئی۔ 30 مئی2018ء) وفاقی کابینہ کل جمعرات کی رات 12 بجے تحلیل ہوجائے گی جس کے بعد ملک میں وفاقی حکومت ختم ہوجائے گی۔پاکستان میں پہلی مرتبہ مسلسل دوسری جمہوری حکومت آئینی مدت مکمل کرے گی جس کے تحت جمعرات اور جمعہ کی درمیانی شب وزیراعظم اپنے عہدے سے سبکدوش اور ان کی کابینہ تحلیل ہوجائے گی۔

(جاری ہے)

ذرائع کے مطابق وزیراعظم (آج) جمعرات وفاقی کابینہ کا الوادعی اجلاس بلا کر ارکان سے اظہار تہنیت کریں گے، وزیراعظم اپنے آفس کے افسران اور عملے سے بھی الوداعی ملاقاتیں کریں گے ،ْ وزیراعظم کو چیف ایگزیکٹو آفس سے روانگی پر مسلح افواج کے دستے سلامی دیں گے۔

ذرائع نے بتایا کہ وزیراعظم شاہد خاقان عباسی وزیراعظم ہاؤس میں نہیں ذاتی رہائش گاہ میں مقیم ہیں۔واضح رہے کہ ملک میں موجودہ حکومت کی مدت مکمل پوری ہونے کے بعد نگراں وزیراعظم کا انتخاب کرلیا گیاہے جس کیلئے سپریم کورٹ کے سابق چیف جسٹس، جسٹس (ر) ناصر الملک کو نامزد کیاگیا ہے۔پنجاب میں نگراں وزیراعلیٰ کے لیے ناصر کھوسہ پر اتفاق کیا گیا ہے ،ْ سندھ، خیبرپختونخوا اور بلوچستان میں اتفاق نہیں ہوسکا ۔