سونم کپورکو منگل سوتر ہاتھ میں پہننا مہنگا پڑ گیا‘کڑی تنقید کا سامنا

بدھ مئی 22:50

سونم کپورکو منگل سوتر ہاتھ میں پہننا مہنگا پڑ گیا‘کڑی تنقید کا سامنا
ممبئی (اُردو پوائنٹ اخبارتازہ ترین۔ 30 مئی2018ء) بالی ووڈ اداکارہ سونم کپور کو انند ا?ہوجا سے شادی کے بعد منگل سوتر گلے میں پہننے کے بجائے ہاتھ میں پہننا مہنگا پڑگیا۔بالی ووڈ میں کئی دنوں سے بالی ووڈ اداکارہ سونم کپور اور فیشن ڈیزائنرانند آہوجا کی شادیوں کے چرچے تھے ۔ سونم اپنی فلم ’’ویر دی ویڈنگ‘‘ کی پروموشن میں مصروف ہیں لیکن انہیں سوشل میڈیا پر اپنی تصویر پوسٹ کرنا مہنگا پڑگیا۔

(جاری ہے)

بھارتی میڈیا رپورٹس کے مطابق بالی ووڈ اداکارہ سونم کپور کی جانب سے سماجی رابطے کی ویب سائٹ ٹوئٹر پر تصاویر پوسٹ کی گئی جس پر سونم کو بھارتی مذہب کے مطابق گلے میں پہنے جانے والے منگل سوتر کو ہاتھ میں پہننے پر شدید تنقید کا نشانہ بنایا گیا۔ایک مداح نے طنز کرتے ہوئے کہا کہ کیا اب منگل سوتر کو بریسلیٹ کے طور پر ہاتھ میں پہنا جا سکتا ہے کیا آپ اب ہندو مذہب کی پیروی نہیں کرتی۔