ایکسائز اینڈ ٹیکسیشن میں انقلابی اصلاحات کر کے محکمے کوماڈرن ادارہ بنا دیا‘مجتبیٰ شجاع
پراپرٹی ٹیکس انفارمیشن سسٹم کی کمپیوٹرائزیشن اورخالی پلاٹوں کے کمپیوٹرائزڈ این او سی کے اجرا سے عوام کو سہولت ملی موٹر گاڑیوں کے تمام ڈیٹا کی سنٹرلائزیشن اور پرکشش نمبروں کی ای آکشن سے محکمے کی آئوٹ لک بدل گئی‘تقریب سے خطاب
بدھ 30 مئی 2018 17:44
(جاری ہے)
جبکہ سی ای آر پی پروگرام کے تحت محکمہ ایکسائز نے پراپرٹی ٹیکس دہندگان سے ان کے ٹیکس کے پیسے کے استعمال سے درکارشہری سہولیات کی فراہمی کی ترجیحات جاننے کا سلسلہ بھی شروع کیا ہے جسے عوام نے بہت پسند کیا ہے۔
ان خیالات کا اظہار صوبائی وزیر ایکسائز اینڈ ٹیکسیشن میاں مجتبیٰ شجاع الرحمان نے الحمرا ہال میں محکمہ ایکسائز اینڈ ٹیکسیشن کے نئے منصوبوں کی افتتاحی تقریب سے خطاب کرتے ہوئے کیا۔ تقریب میں سیکرٹری ایکسائز ڈاکٹر احمد بلال، ڈی جی ایکسائز اکرم اشرف گوندل، ڈی جی نارکوٹکس کنٹرول راجہ زاہد حسین، ایڈیشنل ڈائریکٹر جنرل مسعود الحق، چودہری منیر احمد چیئرمین پبلک فیسیلیٹیشن یونٹ اور پی آئی ٹی بی، اربن یونٹ اور ایل ڈی اے کے نمائندوں کے علاوہ ایکسائز اینڈ ٹیکسیشن آفیسرزاور ایکسائز انسپکٹرز نے بڑی تعداد میں شرکت کی۔ تقریب میں اعلی کارکردگی پر افسران و اہلکاران میں اعزازی شیلڈزبھی تقسیم کی گئیں۔ صوبائی وزیر ایکسائز میاں مجتبیٰ شجاع نے اپنے خطاب میں کہا کہ 2008کے محکمہ اور آج کے محکمہ ایکسائز میں زمین آسمان کا فرق ہے ۔ آج محکمہ کارپوریٹ کلچر کی طرح عوام کی دن رات خدمت میں کوشاں ہے ۔ ٹیکس کولیکشن کیلئے عالمی معیار کے سافٹ ویئر متعارف کرائے گئے ہیں جس میں پی آئی ٹی بی اور اربن یونٹ نے شاندار تعاون کیا۔ انہوں نے کہا کہ محکمے پاس 1.5ملین رجسٹرڈ گاڑیوں کا ریکارڈ، 4.8ملین رجسٹرڈ پراپرٹیز اور تقریباً ڈیڑھ کروڑ رجسٹرڈ پروفیشنل اور بزنس مین کا ریکارڈ موجود ہے ۔ محکمہ ان معاملات کو نہایت مستعدی سے جدید انداز میں کمیوٹرائزڈ طریقے سے چلا رہا ہے ۔ محکمے نے گزشتہ پانچ سالوں میں 30ارب سے زائد ٹیکس اکٹھا کرکے حکومت کو دیا ہے ۔ گزشتہ پانچ سالوںمیں ہی ڈی وی آر ایس سسٹم کا آغاز، کسٹمر سروس سنٹرز کا قیام، جی آئی ایس کے تعاون سے ٹریننگ پروگرام، ہیلپ لائین کا آغاز اور ٹیکس کولیکشن میں ہر سال اضافے سمیت بیشمار اصلاحات کا نفاذ محکمے کے افسران و اہلکاران کی دن رات محنت اور مستقل مزاجی کے بغیر ممکن نہ تھا۔ انہوں نے کہا کہ انہوں نے محکمہ سنبھالنے کے بعد جو اپنے سامنے اہداف رکھے وہ نوے فیصد پورے کر کے جا رہے ہیں۔ جبکہ ٹیکسز کی آن لائین ادائیگی، وینیٹی نمبر پلیٹس اور یونیورسل نمبر پلیٹس متعارف کرانے کے منصوبوں پر تیزی سے کام جاری ہے ۔ صوبائی وزیر نے کہا کہ وزیر اعلی شہباز شریف کی مدبرانہ اور متحرک قیادت میں صرف ایکسائز ہی نہیں بلکہ ہر محکمے اور ادارے میں بے پناہ کام ہوا ہے ۔لاہو ر ہی نہیں بلکہ صوبے کے باقی اضلاع میں بھی شہباز شریف حکومت نے میگا پراجیکٹس مکمل کرائے ہیں۔ حکومت نے عوام سے اپنا لوڈ شیڈنگ ختم کرنے کا وعدہ پورا کیا ہے ۔پنجاب کا کارکردگی میں صوبہ سرحد اور سندھ سے کوئی مقابلہ ہی نہیں۔ عمران خان نے سرحد اور زرداری نے سندھ کا بیڑہ غرق کر دیا ہے ۔ ہماری وفاقی حکومت کی کوششوں سے ملک میں موٹر ویز بن رہی ہیں۔گوادر پورٹ ، ریلوے کی اپ گریڈیشن اور انرجی کے منصوبے ہماری کامیابیوں کی روشن دلیل ہیں۔ پاکستان کی شرح نمو 3.6 سے بڑھ کر 5.8تک پہنچ گئی ہے ۔ میاں مجتبیٰ شجاع نے کہا کہ ہمارا مقابلہ عمران وغیرہ سے نہیں بلکہ خلائی مخلوق سے ہے اور ہم آئندہ انتخابات میں خلائی مخلوق کو ووٹروں کی مدد سے شکست دیں گے ۔مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.