کراچی میں شدید گرمی ، درجہ حرارت 45 ڈگری تک جاپہنچا

ہیٹ ویوکے دوران خاص طورپرروزے کی حالت میں شہری خصوصی احتیاط کریں،معالجین

بدھ مئی 18:56

کراچی (اُردو پوائنٹ اخبارتازہ ترین۔ 30 مئی2018ء) شہر میں شدید گرمی کی لہر جاری ہے اور درجہ حرارت 45 ڈگری تک جاپہنچا ہے۔محکمہ موسمیات کے مطابق کراچی میں شدید گرمی کی لہربرقرار ہے، سمندری ہواں کی بندش اوربجلی کی غیراعلانیہ طویل لوڈشیڈنگ نے شہریوں کی مشکلات میں اضافہ کردیا ہے۔ شہر کا درجہ حرارت 45 ڈگری سے تجاوزکرگیا ہے جب کہ گرمی کی تپش 48 ڈگری محسوس کی گئی۔

(جاری ہے)

محکمہ موسمیات کا کہنا ہے کہ شہرمیں 13 کلومیٹر فی گھنٹہ کے حساب سے ہوا چل رہی ہے جب کہ ہوا میں نمی کا تناسب 4 فیصد ہے۔ شدید گرمی کی یہ لہر جمعرات کو بھی برقراررہے گی اور جمعے سے گرمی کی شدت میں بتدریج کمی ہوگی۔معالجین کا کہنا ہے کہ ہیٹ ویوکے دوران خاص طورپرروزے کی حالت میں شہری خصوصی احتیاط کریں، صبح 9 بجے سے 4 بجے تک گھروں سے بلاضرورت باہرنکلنے سے گریزکیا جائے، اس کے علاوہ باہرنکلتے وقت چھتری استعمال کریں اورسرپر گیلا کپڑا رکھیں۔

متعلقہ عنوان :