آصف علی زرداری کی پشاور میں سکھ رہنما سردار چرن جیت سنگھ کے قتل کی مذمت

بدھ 30 مئی 2018 20:28

اسلام آباد(اُردو پوائنٹ اخبارتازہ ترین - این این آئی۔ 30 مئی2018ء) سابق صدر پاکستان اور پاکستان پیپلز پارٹی پارلیمنٹیرینز کے صدر آصف علی زرداری نے پشاور میں سکھ رہنما سردار چرن جیت سنگھ کے قتل کی سخت الفاظ میں مذمت کرتے ہوئے وفاقی اور کے پی حکومت سے کہا ہے کہ وہ انسانی حقوق کے علمبردار اور مذہبی ہم آہنگی کے لئے موثر آواز سردار چرن جیت سنگھ کے قاتلوں کو گرفتار کرکے انصاف میں کٹہرے میں لائے۔

(جاری ہے)

آصف علی زرداری نے کہا کہ سردار چرن جیت سنگھ کا قتل انسانی حقوق کے لئے آواز بلند کرنے والوں کے لئے بہت بڑا دھچکا ہے۔ انہوں نے کہا کہ دہشتگردوں نے مذہبی ہم آہنگی کے لئے کام کرنے والے شخص کو قتل کیا جو ناقابل معافی جرم ہے۔ آصف علی زرداری نے سردار چرن جیت سنگھ کے خاندان اور سکھ برادری سے ہمدردی اور افسوس کا اظہار کیا۔