تحریک انصاف کا پنجاب سے ناصرکھوسہ کا نام واپس لینا ایک اوریوٹرن ہے ،ْ وزیر اطلاعات

حکومت چلانا اور عوام کے مسائل حل کرنا گڈے گڑیا کا کھیل نہیں ،ْمریم اور نگزیب کی پی ٹی آئی پر تنقید کہ پی ٹی آئی پنجاب کے نگراں وزیراعلیٰ کے فیصلے پرکھڑی نہیں رہ سکی ،پی ٹی آئی کی سنجیدگی کا جائزہ اسی بات سے لگایا جا سکتا ،ْقمر زمان کائرہ آئین کے مطابق اب دوبارہ مشاورت نہیں ہو سکتی، ناصر کھوسہ دیانتدارشخص ہیں ،ْ رانا ثناء اللہ

بدھ 30 مئی 2018 20:48

تحریک انصاف کا پنجاب سے ناصرکھوسہ کا نام واپس لینا ایک اوریوٹرن ہے ..

اسلام آباد (اُردو پوائنٹ اخبارتازہ ترین - این این آئی۔ 30 مئی2018ء) وفاقی وزیراطلاعات مریم اورنگزیب نے کہاہے کہ تحریک انصاف کا پنجاب سے ناصرکھوسہ کا نام واپس لینا ایک اوریوٹرن ہے، تحریک انصاف کی حرکات وسکنات جھوٹ اور یوٹرن پرمبنی ہیں۔انہوں نے کہا کہ حکومت چلانا اور عوام کے مسائل حل کرنا گڈے گڑیا کا کھیل نہیں، آپ ہرکام میں جلدبازی کرتے ہیں جس کا نقصان خود پی ٹی آئی کوہوا، آپ نے یوٹرن، جلد بازی اورانتشارکی سیاست سے ملک کا بہت نقصان کیا۔

(جاری ہے)

پیپلزپارٹی کے رہنما قمرزمان کائرہ نے کہا ہے کہ پی ٹی آئی پنجاب کے نگراں وزیراعلیٰ کے فیصلے پرکھڑی نہیں رہ سکی ،پی ٹی آئی کی سنجیدگی کا جائزہ اسی بات سے لگایا جا سکتا ہے، یہ لوگ کہتے ہیں کہ پی ٹی آئی نیا پاکستان بنائے گی۔وزیرقانون پنجاب رانا ثناء اللہ نے کہا کہ اب نگراں وزیر اعلیٰ پنجاب کا نام واپس لینے کی کوئی گنجائش نہیں، نگراں وزیراعلیٰ کا نام مشاورت کے بعد دیا گیا تھا، آئین کے مطابق اب دوبارہ مشاورت نہیں ہو سکتی، ناصر کھوسہ دیانتدارشخص ہیں۔