شائقین کے لئے خوشخبری : ڈی جی وائلڈ لائف کی کوششیں رنگ لے آئیں، جلد دو ہاتھی سفاری زو لاہور کی رونق بنیں گے

پاکستان میں تعینات سری لنکن ہائی کمشنر نے اپنی حکومت کو دو ہاتھی تحفہ میں دینے کی پر زور سفارش کر دی سفاری زو کو دو ہاتھی بطور تحفہ دینے سے دونوں ملکوں کے تعلقات میں مزید بہتری آئے گی

بدھ 30 مئی 2018 22:26

لاہور (اُردو پوائنٹ اخبارتازہ ترین - آن لائن۔ 30 مئی2018ء) ڈائریکٹرجنرل وائلڈلائف اینڈ پارکس پنجاب خالد عیاض خان کی سری لنکن ہائی کمشنر کی طرف سے پنجاب حکومت کو دو ہاتھی تحفہ میں دینے کے عرصہ سے زیر التواء معاملات کی مسلسل پیروی کرنے کی کوششیں رنگ لے آئیں اور پاکستان میں تعینات سری لنکن ہائی کمشنر نے اپنی حکومت کو دو ہاتھی دینے کی پر زور سفارش کر دی ہے۔

(جاری ہے)

انہوں نے اپنے مراسلے میں لکھا ہے کہ ہاتھی تحفہ کرنے سے دونوں ملکوں کے تعلقات میں مزید بہتری اور مضبوطی آئے گی۔ ڈائریکٹرجنرل وائلڈلائف اینڈ پارکس پنجاب خالد عیاض خان نے سری لنکن ہائی کمشنر کے اس اقدام کو خوش آئند قرار دیتے ہوئے توقع کا اظہار کیا ہے کہ سری لنکن حکومت جلد اس ضمن میں عملی اقدامات اٹھائے گی اور لوگوں کو تفریح کے مواقع میسر آئیں گے۔

Facebook Twitter Google + Share on Whatsapp

شائقین کے لئے خوشخبری : ڈی جی وائلڈ لائف کی کوششیں رنگ لے آئیں، جلد دو ہاتھی سفاری زو لاہور کی رونق بنیں گے

متعلقہ عنوان :

مزید قومی خبریں