عوام براہ راست پارلیمانی کارروائی دیکھ سکیں گے :مریم اورنگزیب

جمعرات 31 مئی 2018 00:00

اسلام آباد (اُردو پوائنٹ اخبارتازہ ترین - آن لائن۔ 31 مئی2018ء) وفاقی وزیر اطلاعات و نشریات مریم اورنگز یب نے کہا ہے کہ پی ٹی وی کے پارلیمنٹ سے نشریات کا آغاز کیا جا رہاہے جس سے پاکستان کے عوام پارلیمان کی کارروائی کو براہ راست دیکھ سکیں گے۔

(جاری ہے)

نجی ٹی وی کے پروگرام میں گفتگو کرتے ہوئے انہوں نے کہا کہ پارلیمنٹ سے پی ٹی وی نشریات کاباقاعدہ آغاز کرنے کیلئے منصوبہ بندی ایک سال قبل کی گئی تھی جس پر کام جاری تھا اور اب اس پر عملی طور پر عمل در آمد کردیا گیا ہے ، انہوں نے کہا کہ موجودہ حکومت کے مدت مکمل ہونے کے ساتھ ہی یہ منصوبہ پایہ تکمیل تک پہنچ جائے گا اور عوام پارلیمنٹ میں ہونی والی بحثوں کو براہ راست دیکھ کر آگاہی حاصل کرسکیں گے ، یاد رہے کہ اس سے قبل پارلیمنٹ کی کارروائی پر عمومی طور پر بلیک آؤٹ ہوتا تھا جو پارلیمنٹ سے براہ راست پی ٹی وی کی نشریات کے آغاز سے ختم ہو جائے گا۔