بالی ووڈ فلم’’ویرے دی ویڈنگ‘‘کل ریلیز ہو گی

ممبئی (اُردو پوائنٹ اخبارتازہ ترین - این این آئی۔ 31 مئی2018ء) دنیا بھر میں بالی ووڈ فلم’’ویرے دی ویڈنگ‘‘ کل جمعتہ المبارک کو ریلیز ہو رہی ہے مرکزی سنسر بورڈ نے بالی ووڈ فلم‘‘ ویرے دی ویڈنگ‘‘ کی پاکستان میں ریلیز پر پابندی عائد کردی ہے۔سنٹرل بورڈ آف فلم سنسرز (سی بی ایف سی) کے چیئرمین دانیال گیلانی نے بتایاکہ بورڈ کے اراکین نے فلم سنسر شپ کوڈ 1980 کے تحت متفقہ طور پر اس فلم کو پاکستان میں عام ریلیز کے لیے اجازت نہ دینے کا فیصلہ کیا۔

اس فلم میں کرینہ کپور اور سونم کپور نے مرکزی کردار ادا کیے ہیں اور یہ دہلی سے تعلق رکھنے والی 4 سہیلیوں کے گرد گھومتی جنھیں شادی کی تیاریوں کے دوران نشیب و فراز کا سامنا ہوتا ہے۔واضح رہے کہ ایک انٹرویو میں کرینہ کپور کا اپنی فلم کے حوالے سے کہنا تھا کہ ’یہ ہندوستان کی شاید پہلی فلم ہوگی جو لڑکیوں پر بنائی جارہی ہے، یہ چار سہیلیوں کی کہانی پر مبنی فلم ہے، جو میرے کردار کی شادی کے لیے اکھٹی ہوں گی، فلم کافی دلچسپ ہے۔

(جاری ہے)

اس فلم کے ٹریلر سے ہی اندازہ ہوگیا تھا کہ اس کا موضوع کافی بولڈ ہے اور اسے نوجوان ناظرین کو ذہن میں رکھ کر ہی بنایا گیا ہے۔مگر یہ موضوع سنسربورڈ کے مطابق پاکستانی ناظرین کے لیے بہت زیادہ بولڈ اور نامناسب ہے۔سنسر بورڈ کے ذرائع کے مطابق بورڈ کے اجلاس میں اس فلم کو دیکھنے کے بعد فیصلہ کیا گیا کہ یہ پاکستانی ناظرین کے لیے موزوں نہیں۔ذرائع کا کہنا تھا کہ سنسربورڈ نے اس فلم کے نامناسب مناظر اور زبان کے ساتھ ساتھ اس کی کہانی کے خیال پر اعتراضات اٹھائے ہیں اور اس پر پابندی کا اعلان جلد کیا جائے گا۔