بلاک بسٹر فلم’’ ملیفیسنٹ‘‘ کے سیکوئل کی تیاریاں شروع ہو گئیں

فلم میں انجلینا جولی ایک بار پھر جادوگرنی کا کردار ادا کررہی ہیں‘فلم کی ریلیز کی تاریخ کا اعلان تاحال نہیں کیاگیا

جمعرات مئی 11:56

نیویارک (اُردو پوائنٹ اخبارتازہ ترین۔ 31 مئی2018ء) 2014 کی والٹ ڈزنی پکچرز کی بلاک بسٹر فلم’’’ ملیفیسنٹ‘‘ کے سیکوئل کی بھی تیاریاں شروع ہو گئی ہیں جس کی عکسبندی کی تصاویر بھی منظرِعام پر آگئی ہیں ۔۔فلم میں انجلینا جولی ایک بار پھر جادوگرنی کا کردار ادا کررہی ہیں۔یہ ہدات کارجواشم روننگ کی 2014کی فلم کا سیکوئل ہے جبکہ فلم کی کہانی افسانوی کہانیوں پرمبنی کئی کتابوں سے ماخوذ ہے جس میں انجلینا جولی اور ایلی فیننگ ایک بار پھر اپنے گزشتہ کرداروں میں دکھائی دیں گی۔

(جاری ہے)

فلم کی دیگر کاسٹ میں ایڈ سیکرین،ہیریسن ڈکسن،جونو ٹیمپل اورفرنینڈا ڈینیز اہم کردار ادا کررہے ہیں۔اس ایڈونچر فینٹسی سیکوئل فلم کی کہانی ڈزنی کلاسک سلیپنگ بیوٹی کی وِلن میلفسنٹ کے گرد گھومتی ہے جو دراصل ایک خوبصورت نوجوان لڑکی تھی تاہم جنگل میں اپنی پٴْرامن سلطنت کوحملہ آوروں سے بچاتے ہوئے دھوکا دہی اور غداری کے بعدپتھر دل بن جاتی ہے اورپھر سلطنت کے نئے بادشاہ کی بیٹی اروڑا پرجادو کردیتی ہے۔ایکشن وایڈونچرسے بھرپور فلم میلفسنٹ والٹ ڈزنی اسٹوڈیوز موشن پکچرز کے تحت سنیما گھروں کی زینت بنائی جائیگی تاہم ریلیز کی حتمی تاریح کا تاحال اعلان نہیں کیا گیا۔

متعلقہ عنوان :