ڈینگی مچھروں کے خاتمے کے لیے سپرے کا اہتمام کیاجائے،ڈی سی مالاکنڈ

جمعرات 31 مئی 2018 14:52

پشاور۔ (اُردو پوائنٹ اخبارتازہ ترین - اے پی پی۔ 31 مئی2018ء) ڈپٹی کمشنرمالاکنڈ سلمان خان لودھی نے متعلقہ ذمہ دار حکام سے کہا ہے کہ وہ ڈینگی مچھروں کے خطرات سے فوری طور پر نمٹنے کے لیے تمام تر احتیاطی تدابیر کو اپنائیں ۔ ان خیالات کا اظہار انہوں نے ڈینگی مچھروں کی خطرات سے نمٹنے کے سلسلے میں ایک اعلیٰ سطح اجلاس کی صدارت کرتے ہوئے کیا۔ اجلاس میں ڈسڑک ہیلتھ آفیسر ، محکمہ صحت ، تحصیل ناظم اور دیگر متعلقہ محکموں کے ضلعی افسران بھی موجود تھے۔

(جاری ہے)

اجلاس میں ڈینگی مچھروں سے عوام کو محفوظ رہنے کے لیے مختلف امور پر تفصیلی غور وغوض ہوا۔ڈپٹی کمشنر نے اجلاس سے خطاب کرتے ہوئے ٹی ایم اوز کے افسران کو ہدایت کی کہ صفائی کا خاص خیال رکھیں اور نکاسی آب کا صحیح معنوں میں بندوبست کریں اور ڈینگی مچھروں کے خاتمے کے لیے سپرے کا اہتمام بھی کریں ۔ انہوں نے خبردار کیا کہ اگر اس سلسلے میں کسی اہلکار اور افسر کو غفلت کا مرتکب پایا گیا تو ان کے خلاف قانون کے مطابق سخت ایکشن لیا جائے گا۔اس موقع پر ویلج سیکریٹریز اور ملیریا سپروائزرزکے لیے ٹرینگ کا بھی اہتمام کیا گیا ۔