رمضان المبارک کا مقدس ماہ ہمیں اخوت اور بھائی چارے کا درس دیتا ہے ‘تاجر برادری اس بابرکت مہنیے میں عوام کو زیادہ سے زیادہ ریلیف دیں اور خدا وندکریم کی خوشنودی حاصل کریں

چیف آرگنائزر آل آزاد کشمیر انجمن تاجران وصدر مرکزی انجمن تاجران چوہدری محمد نعیم کی بات چیت

جمعرات مئی 17:49

میرپور(اُردو پوائنٹ اخبارتازہ ترین۔ 31 مئی2018ء) چیف آرگنائزر آل آزاد کشمیر انجمن تاجران وصدر مرکزی انجمن تاجران چوہدری محمد نعیم نے کہا ہے کہ رمضان المبارک کا مقدس ماہ ہمیں اخوت اور بھائی چارے کا درس دیتا ہے ۔تاجر برادری اس بابرکت مہنیے میں عوام کو زیادہ سے زیادہ ریلف دیں اور خدا وندکریم کی خوشنودی حاصل کریں ۔غربا اور مساکین کی مدد کی جائے ۔

عیدالفطر سے قبل ہی غریب لوگوں کے لیے خصوصی رعائت دی جائے۔تا کہ غریب لوگ بھی عید کی خوشیوں میں شریک ہوں ۔مخیر حضرات اس بابرکت ماہ میں غریبوں کی ضرورت کا زیادہ سے زیادہ خیال رکھیں ۔خدا وند کریم کی راہ میں دیا ہوا مال ہی آخرت میں کامیابی کا سبب بنے گا ۔چوہدری محمد نعیم نے کہا کہ رمضان المبارک کا دوسرا عشرہ جاری ہے ۔

(جاری ہے)

مساجد میں تراویح کے بعد ملک وقوم کی سلامتی اور بارشوں کے لیے خصوصی دعائوں کا اہتمام کیا جائے ۔

عید الفطر کے بعد تاجروں کے الیکشن کے لیے میدان سجائیں گے ۔تاجروں کے حقوق کے لیے صف اول میں آکر بھرپور آواز بلند کر رہے ہیں ۔کسی طاقت کو تاجروں کے خلاف استعمال ہونے کی اجازات نہیں دوں گا ۔تاجر انتطامیہ کی جاری ریٹ لسٹ کے مطابق اپنا مال فروخت کریں ۔گراں فروشوں کی حمائت نہیں کریں گے اور تاجر برادری کو کسی کے رحم وکرم پر نہیں چھوڑیں گے ۔