7سالہ بچہ آہنی جنگلہ گرنے سے جاں بحق

جمعرات 31 مئی 2018 21:06

گوجرانوالہ۔31 مئی(اُردو پوائنٹ اخبارتازہ ترین - اے پی پی۔ 31 مئی2018ء) دوستوں کے ساتھ گلی میں کرکٹ کھیلنے کے دوران کمسن بچہ آہنی جنگلہ اوپر گرنے کے باعث جاں بحق ہو گیا ، بچے کو آہوں و سسکیوں میں سپرد خاک کر دیا گیا ، بتایا گیا ہے کہ محلہ فیصل آباد کے رہائشی ساجد کا بیٹا حسنین گلی میں اپنے دوستوں کے ساتھ کرکٹ کھیل رہا تھا کہ اس دوران گلی میں پڑا ہوا آہنی جنگلہ اس کے اوپر گر گیا، جسکے نتیجے میں شدید زخمی ہونیوالے بچے کو تشویشناک حالت میں فوری طور پر ہسپتال منتقل کیا گیا جہاں پر وہ کچھ دیر موت وحیات کی کشمکش میں مبتلا رہنے کے دوران زخموں کی تاب نہ لاتے ہوئے جان کی بازی ہار گیا ، تاہم کمسن بچے کی نعش گھر پہنچنے پر ہنستے بستے گھر میں قیامت برپا ہو گئی، اس موقع پر ہر آنکھ اشکبار تھی ، بعدازاں متوفی کو آہوں و سسکیوں میں مقامی قبرستان سپرد خاک کر دیا گیا ۔

Facebook Twitter Google + Share on Whatsapp

7سالہ بچہ آہنی جنگلہ گرنے سے جاں بحق

متعلقہ عنوان :

مزید قومی خبریں