وفاقی وزیر مریم اورنگزیب نے وزارت کے منسلک اداروں کے الوداعی دورے کیے،مریم اورنگزیب نے اے پی پی گلوبل ، اے پی پی ویب ٹی وی ،سوشل میڈیا ڈیسک ،انگلش میگزین اورویب سائیٹ کا افتتاح کیا
جمعہ 1 جون 2018 00:00
(جاری ہے)
ایم ڈی اے پی پی مسعود ملک نے وفاقی وزیر مریم اورنگزیب کوبریفنگ دیتے ہوئے بتایا کہ اے پی پی نے پہلی مرتبہ خبر رساں اداروں کے مابین اشتراک کار کے فروغ کیلئے 2 روزہ ’’انٹرنیشنل کانفرنس آف نیوز ایجنسیز‘‘ (آئی سی این ای) کا انعقاد کیا جس میں چین، انڈونیشیا، آذربائیجان، ایران، رومانیہ، اومان، بلغاریہ، ترکی، مصر، قزاخستان، لبنان، سوڈان، تیونس، سعودی عرب اور شام سمیت18 ممالک سے 22 مندوبین شریک ہوئے۔
اس کانفرنس کے سفارش کے مطابق اے پی پی ہیڈ کوارٹر میں میں ایک سیکرٹریٹ قائم کیا گیا اور اے پی پی گلوبل کے نام سے ایک پورٹل بنایا گیا جس میں ممبر ممالک کی نیوز ایجنسنز کی خبروں کا تبادلہ ہوگا اس کے ساتھ ساتھ اے پی پی کا 42ممالک کے ساتھ معاہدے کے تحت خبروں کا تبادلوںہو رہا ہے۔انہو ں نے بتایا کہ اے پی پی نے انگلش میگزین ، ویب ٹی وی اور سوشل میڈیا ڈیسک بھی قائم کیا ہے۔وفاقی وزیرمریم اورنگزیب نے انٹرنیشنل کانفرنس آف نیوز ایجنسیز‘‘ (آئی سی این ای) کے کامیاب انعقاد،انگلش میگزین اور ویب ٹی وی کے آغاز پر مبارکباد دی۔انہوں نے کہا کہ اے پی پی کے سینئر حکام ادارے کا حصہ بننے والے نوجوانوں کی اپنے تجربات کی روشنی میں بہتر انداز میں رہنمائی کریں۔وزیر اطلاعات نے پی آئی ڈی اور ڈیمپ کا دورہ کیا۔پی آئی او سلیم بیگ اور وزارت اطلات و نشریات کے دیگر حکام نے وفاقی وزیر کا خیر مقدم کیا۔ اجلاس سے خطاب کرتے ہوئے وفاقی وزیر مریم اورنگزیب نے کہا کہ وزارت اطلاعات ونشریات نے ایسا پلیٹ فارم فراہم کیا جس کو استعمال کرتے ہوئے ملک کا مثبت تشخص دنیا میں اجاگر کرنے کا موقع ملا۔انہوں نے کہا کہ وزارت اطلاعات و نشریات کی ویب سائیٹ گیٹ وے ٹو پاکستان ایک مثالی پراجیکٹ ہے اس پلیٹ فارم پر ہر طرح کی معلومات تک رسائی ممکن ہوسکے گی۔انہوں نے کہا کہ سیکرٹری اطلاعات و نشریات سردار احمد نواز سکھیرا کی قیادت میں پی ٹی وی بہتری کی جانب گامزن ہے ،پی ٹی وی کو مزید بہتر بنانے کی ضرورت ہے۔انہوں نے کہا کہ انفارمیشن سروسز اکیڈمی کا باصلاحیت انفارمیشن افسران کی تیاری میں اہم کردار ہے ،اس پلیٹ فارم سے صحافیوں کی تربیت بھی تسلسل کے ساتھ جاری رہنی چاہیے۔انہوں نے کہا کہ عالمی سطح پر پاکستان کے مثبت تشخص کے فروغ کے لئے وزارت اطلاعات کے ایکسٹرنل پبلسٹی ونگ (ای پی ) کا اہم کردار ہے۔قبل ازیں وفاقی وزیر مریم اورنگزیب نے ریڈیو پاکستان کا الوداعی دورہ کیا۔ چینل دھنک سے بات چیت کرتے ہوئے مریم اورنگزیب نے کہا کہ خواہش تھی کہ ریڈیو پاکستان ایک میوزک چینل کا آغاز کر ے،یہ چینل مختلف صوبوں سے با صلاحیت نوجوانوں کی تلاش میں معاون ثابت ہو گا۔ انہوں نے کہا کہ ریڈیو نے پاکستان میں عظیم فنکاروں کو روشناس کرایا،ماضی کے تمام عظیم فنکار ریڈیو پاکستان کا حصہ رہیں۔ انہوں نے کہا کہ موجودہ حکومت نے ملکی ترقی اور عوام کی خوشحالی کے ریکارڈ منصوبوں پر کام کیا، گزشتہ66سالوں میں اتنا کام نہیں ہوا جتنا گزشتہ5سالوں میں ہوا۔ انہوں نے کہا کہ بجلی کی تاریخی پیدوار ہوئی، روڈ نیٹ ورک اور انفراسٹرکچرکے شعبے میںبے مثال ترقی ہوئی،دہشت گردوں کی کمر توڑی اور پاکستان کے قومی تشخص کو بحال کیا۔انہوں نے کہا کہ ہم سب کا مقصد پاکستان کی ترقی اور عوامی خوشحالی ہونا چاہیے۔انہوں نے کہا کہ جمہوریت کی10سال مکمل ہونے پر پوری قوم کو مبارکباد پیش کرتے ہیں۔ انہوں نے کہا کہ جمہوری عمل کے تسلسل میں ہی ملکی استحکام اور ترقی پہناں ہے،اگر ملک کو آگے لیکر جانا ہے تو ووٹ کو کارکردگی کی بنیاد پر استعمال کرنا ہوگا۔قبل ازیں وفاقی وزیر مریم اورنگزیب نے پاکستان نیشنل کونسل آف آرٹس (پی این سی ای) کا دورہ کیا۔ڈی جی پی این سی اے نے وفاقی وزیر کا پی این سی اے آمد پر خیر مقدم کیا۔وفاقی وزیر نے جمال شاہ کی قیادت میں آرٹ ،کلچر کے فروغ کی کاوشوں کو سراہا۔وزیر اطلاعات نے و زارت کے افسروں،ذیلی اداروں کے سربراہان اور عملے کی کارکردگی کی تعریف کی اور سرکاری امور کی انجام دہی میں انکی معاونت پر شکریہ ادا کیا۔مسلم لیگ ن نے اپنی کام اور کارکردگی سے ثابت کیا کہ وہ واحد جماعت ہے جس نے ووٹ اور ووٹر کو عزت دی۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.