بم دھماکے میں زخمی ہونے والے پولیس اہلکاروں کا علاج معالجہ سرکاری سطح پر کیا جا رہا ہے‘ ڈی آئی جی پولیس نصیر آباد نذیر احمد کرد

جمعہ 1 جون 2018 00:40

کوئٹہ۔31مئی(اُردو پوائنٹ اخبارتازہ ترین - اے پی پی۔ 01 جون2018ء) ڈی آئی جی پولیس نصیر آباد نذیر احمد کردکا کہنا ہے کہ بم دھماکے میں زخمی ہونے والے پولیس اہلکاروں کا علاج معالجہ سرکاری سطح پر کیا جا رہا ہے اور ان کے بہترین علاج کے لئے تمام تر سہولیات مہیا کی جا رہی ہیں مثالی امن کے لئے پولیس اہلکاروں کی قربانیاں رائیگاں نہیں جانے دیں گے‘ نصیر آباد پولیس نے بے شمار قربانیاں دے کر امن بحال کیا ہے ۔

(جاری ہے)

ان خیالات کا اظہار ڈی آئی جی پولیس نصیر آباد نذیر احمد کرد نے گزشتہ دنوں بم دھماکے میں زخمی ہونے والے پولیس اہلکاروں کا لاڑکانہ ہسپتال میں عیادت کے دوران کیاان کا مزید کہنا تھا کہ امن امان کی بحالی میں شہریوں نے بھی بے شمار قربانیاں دی ہیں اور کمیونٹی کے تعاون سے ہی امن و امان کی بحالی ممکن ہوئی ہے۔زخمی پولیس اہلکاروں کی ہر ممکن امداد کی جا رہی ہے اور ان کے حوصلے بلند ہیں اور جرائم پیشہ افراد کا قلع قمع کرکے ہی دم لیں گے۔