چیریٹی میچ میں ورلڈ الیون کو شکست ،ْ ویسٹ انڈیز نے کامیابی حاصل کرلی
یادگار میچ میں ورلڈ الیون کے کپتان شاہد آفریدی نے ٹاس جیت کر پہلے بیٹنگ کا فیصلہ کیا جو غلط ثابت ہوا ویسٹ انڈیز کی جانب سے کیسرک ولیمز 3 وکٹیں لے کر سب سے کامیاب باؤلر رہے ،ْ سیمیول بدری اور آندرے رسل نے دو، دو وکٹیں حاصل کیں
جمعہ 1 جون 2018 13:21
(جاری ہے)
شاہد آفریدی اپنے ممکنہ طور پر آخر انٹرنیشنل میچ کیلئے میدان میں اترے تو ورلڈ الیون کے تمام کھلاڑیوں نے انہیں گارڈ آف آنر پیش کیا۔ایون لوئس کی جارحانہ بیٹنگ کی بدولت ویسٹ انڈین اوپنرز نے اپنی ٹیم کو 75رنز کا شاندار آغاز فراہم کیا اور اس شراکت کا خاتمہ افغان اسپنر راشد خان نے لوئس کو آؤٹ کر کے کیا جنہوں نے 26 گیندوں پر 5 چھکوں اور اتنے ہی چوکوں کی مدد سے 58رنز بنائے۔
ورلڈ الیون کو جلد ہی دو کامیابیاں اور ملیں جب شعیب ملک اور شاہد آفریدی نے بالترتیب کرس گیل اور آندرے فلیچر کی اننگز کا خاتمہ کیا۔اس کے بعد مارلن سیمیولز اور دنیش رامدین کی جوڑی وکٹ پر اکٹھا ہوئی اور دونوں کھلاڑیوں نے 52رنز کی شراکت قائم کر کے اپنی ٹیم کے بڑے اسکور کی راہ ہموار کی، سیمیولز 4 چھکوں کی مدد سے 43رنز بنا کر آؤٹ ہوئے۔اختتامی اوورز میں رامدین اور آندرے رسل نے جارحانہ انداز اپنایا اور دونوں کھلاڑیوں نے ناقابل شکست 47رنز کی شراکت قائم کر کے ویسٹ انڈیز کا اسکور 199 تک پہنچا دیا۔اننگز کے دوران فیلڈ میں کھلاڑیوں کے درمیان دلچسپ مناظر بھی دیکھنے کو بھی ملے تاہم سب سے خاص بات مایہ ناز کمنٹیٹر اور انگلینڈ کے سابق کپتان ناصر حسین کیمرے اور مائیک کے ساتھ مختلف فیلڈنگ پوزیشنز پر موجودگی تھی جس نے شائقین کو خوب محظوظ کیا۔200 رنز کے ہدف کے تعاقب میں ورلڈ الیون کی ٹیم کا آغاز تباہ کن تھا اور صرف 8 رنز پر اس کے 4 کھلاڑی پویلین لوٹ چکے تھے جن میں تمیم اقبال، لیونک رونچی، دنیش کارتھک اور سیم بلنگز شامل تھے۔ورلڈ الیون کی ٹیم ابتدائی نقصان کے بعد سنبھل نہ سکی اور تھسارا پریرا کی 61رنز کی اننگز کے باوجود پوری ٹیم 127رنز پر ڈھیر ہو گئی اور ویسٹ انڈیز نے 72 رنز سے فتح اپنے نام کر لی۔انجری کے سبب ٹائمل ملز بیٹنگ کیلئے میدان میں نہیں آ سکے جبکہ ویسٹ انڈیز کی جانب سے کیسرک ولیمز 3 وکٹیں لے کر سب سے کامیاب باؤلر رہے جبکہ سیمیول بدری اور آندرے رسل نے دو، دو وکٹیں حاصل کیں۔مزید کھیلوں کی خبریں
-
پاکستان نیوزی لینڈ کی کمزور ٹیم کیخلاف بھی سیریز نہ جیت سکا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
بسمہ معروف کا کرکٹ سے فوری ریٹائرمنٹ کا اعلان
-
پاکستان باولر کا اچھا کم بیک، کیوی بلے باز تگڑا ہدف دینے میں ناکام ہو گئے
-
سیریز جیتنے کا آخری موقع، کیویز کیخلاف چوتھے میچ کیلئے قومی ٹیم میں 5 تبدیلیاں کر دی گئیں
-
محسن نقوی سے نیوزی لینڈ کرکٹ کے چیف ایگزیکٹو آفیسر سکاٹ وئینک کی ملاقات
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
سابق زمبابوین کرکٹر گائے وٹل چیتے کے حملے میں زخمی ہوگئے
-
آفریدیوں کو سمجھانا بہت مشکل کام ، شاہین کو اسی لیے نہیں سمجھا پاتا کہ وہ بھی آفریدی ہے : شاہد آفریدی
-
ہنزہ سے تعلق رکھنے والی 8 سالہ علیہہ شاہ اپنے شاندار باؤلنگ ایکشن کیلئے وائرل
-
شیشاپنگما سرکرنے کیلئے پاکستانی کوہ پیماں کا انتظار طویل ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.