عام انتخابات کیلئے کاغذات نامزدگی ( کل) سے جمع کرائے جائیں گے

�ی30ہزار امیدواروں کی جانب سے کاغذات نامزدگی جمع کرائے جانے کا امکان ، (ن)لیگ سمیت کئی جماعتوں کے امیداواروں نے کاغذات نامزدگی حاصل کر لئے

جمعہ 1 جون 2018 18:18

عام انتخابات کیلئے کاغذات نامزدگی ( کل) سے جمع کرائے جائیں گے

اسلام آباد(اُردو پوائنٹ اخبارتازہ ترین - آئی این پی۔ 01 جون2018ء) عام انتخابات 2018کے لئے امیدواروں کی جانب سے کاغذات نامزدگی ( کل) سے جمع کرائے جائیں گے ، جبکہ 25سی30ہزار امیدواروں کی جانب سے کاغذات نامزدگی جمع کرائے جانے کا امکان ہے، مسلم لیگ (ن) سمیت کئی جماعتوں کے امیداواروں نے کاغذات نامزدگی حاصل کر لئے۔

(جاری ہے)

تفصیلات کے مطابق عام انتخابات کے لئے ریٹرننگ افسران کی جانب سے پبلک نوٹس جاری کردیا گیا ، جس کے بعد امیدواروں کی جانب سے کاغذات نامزدگی حاصل کر نے کا سلسلہ شروع ہو گیا ہے، جبکہ مسلم لیگ (ن ) سمیت کئی جماعتوں کے امیداواروں نے کاغذات نامزدگی حاصل کر لئے ، امیدواروں کی جانب سے کاغذات نامزدگی ( آج) 2جون سے جمع کرائے جائیں گے جبکہ کاغذات نامزدگی جمع کرانے کا سلسلہ 6جون تک جا ری رہے گا،ذرائع کے مطابق عام انتخابات 2018کے لئے 25سی30ہزار امیدواروں کی جانب سے کاغذات نامزدگی جمع کرائے جانے کا امکان ہے ، امیدواروں کے ناموں کی حتمی فہرست 27جون کو جاری کی جائے گی ، جبکہ پولنگ 25جولائی کو ہو گی ۔