نارووال ‘بی آر بی نہر میں نہاتے ہوئے 14سالہ بچہ دانش علی ڈوب کر جاں بحق

جمعہ 1 جون 2018 21:21

نارووال(اُردو پوائنٹ اخبارتازہ ترین - این این آئی۔ 01 جون2018ء) نارووال بی آر بی نہر میں نہاتے ہوئے 14سالہ بچہ دانش علی ڈوب گیا۔ بتایا جاتا ہے کہ قلعہ کالر والا کے نواحی گائوں مالو کے کا رہائشی سکندر حیات بھلی کا 14سالہ بیٹا دانش علی شدید گرمی کے باعث نہر بی آر بی میں مانگا پل کے قریب نہاتے ہوئے گہرے پانی میںچلے جانے کے باعث ڈوب گیا۔

(جاری ہے)

اور اس واقع کی ا طلاع ملتے ہی ریسکیو 1122کے اہلکاروں کی ٹیم موقع پر پہنچ گئی اور ڈوبنے دانش علی کی نعش کی تلاش شروع کردی ۔ سر توڑ کوشش کرنے کے بعد دانش علی کی لاش نہر بی آر بی سے لونگ والا کے قریب سے مل گی۔جب متوفی دانش کی نعش اس کے گھر پہنچی تووالدین اپنے لخت جگر کی میت دیکھ کر صدمہ برداشت نہ کرتے ہوئے ماں نیم پاگل ہوگئی ۔