بھارتی درندہ فورسز نے کشمیریوں پر ظلم وستم کے نئے حربہ میں کشمیری نوجوانوں کو گاڑیوں تلے روندنے لگی ہے، مشعال ملک

ہفتہ 2 جون 2018 13:21

اسلام آباد ۔ (اُردو پوائنٹ اخبارتازہ ترین - اے پی پی۔ 02 جون2018ء) حریت راہنماء یاسین ملک کی اہلیہ مشعال ملک نے کہا ہے کہ بھارتی درندہ فورسز نے کشمیریوں پر ظلم وستم کا نیا حربہ اختیار کر لیا ہے اور کشمیری نوجوانوں کو گاڑیوں تلے روندنے لگی ہے، بھارتی فورسز نے پچھلے دو مہینے میں چھ سے زائد کشمیری نوجوانوں کو گاڑی تلے روند کر شہید کیا۔

(جاری ہے)

ہفتہ کو اپنے ایک بیان میں مشعال ملک نے کہاکہ رمضان المبارک کے بابرکت مہینے میں بھی بھارتی حکومت نے مساجد اور اجتماع پر پاپندی عائد کر رکھی ہے ،بھارت نے کشمیریوں سے مذہبی آزادی بھی چھین رکھی ہے ۔

مشعال ملک نے کہاکہ کشمیریوں کو عمرے کے لیے بھی بھارتی حکومت ویزہ جاری نہیں کررہی،بھارتی حکومت نے وادی کو کشمیریوں کے لیے جیل میں بدل دیا لہذا ۷عالمی برداری بھارتی ظلم وستم کا نوٹس لے۔