کوئٹہ، شہر کے مختلف علاقوں میں وفاقی تحقیقاتی ایجنسی کی کارروائیاں

ہنڈی اور حوالے کے غیر قانونی کام میں ملوث 8افراد گرفتار، بڑی تعداد میں ملکی و غیر ملکی کرنسی برآمد

ہفتہ 2 جون 2018 22:54

کوئٹہ (اُردو پوائنٹ اخبارتازہ ترین - این این آئی۔ 02 جون2018ء) کوئٹہ شہر کے مختلف علاقوں میں وفاقی تحقیقاتی ایجنسی کی کاروائیاں ہنڈی اور حوالے کے غیر قانونی کام میں ملوث 8افراد گرفتار بڑی تعداد میں ملکی و غیر ملکی کرنسی برآمد ، ایف آئی ذرائع کے مطابق ڈائر یکٹر جنرل ایف آئی اے بشیر احمد میمن کی خصوصی ہدایت پر ڈائریکٹر ایف آئی اے بلوچستان الطاف حسین کی نگرانی میں ایف آئی اے نے کوئٹہ شہر کے علاقوں علمدار روڈ، چوہڑمل روڈ پر مختلف کاروائیوں کے دوران ہنڈی اور حوالے کے کام میںملوث 8افراد کو گرفتار کرلیا اورانکے قبضے سے بڑی تعداد میں ملکی و غیر ملکی کرنسی برآمد کرلی ،گرفتار افراد کے خلاف مقدمہ درج کے تفتیش شروع کردی گئی مزید گرفتاریوں کا امکان ہے