خیبرپختونخوا کے نگران وزیراعلی کامعاملہ مزید الجھ گیا

حکومت اوراپوزیشن کے درمیان نگران وزیراعلی کے نام پر اتفاق نہ ہوسکا،فیصلہ پارلیمانی کمیٹی کریگی

ہفتہ 2 جون 2018 23:14

پشاور(اُردو پوائنٹ اخبارتازہ ترین - این این آئی۔ 02 جون2018ء) خیبرپختونخوا کے نگران وزیراعلی کامعاملہ حل مزید الجھ گیا،حکومت اوراپوزیشن کے درمیان نگران وزیراعلی کے نام پر اتفاق نہ ہوسکا،اب فیصلہ پارلیمانی کمیٹی کریگی۔

(جاری ہے)

خیبر پختونخوا کے نگراں وزیراعلیٰ کے انتخاب کے لیے پارلیمانی کمیٹی کے اجلاس میں پی ٹی آئی اور اپوزیشن کے ارکان سر جوڑیں گے، پی ٹی آئی کی جانب سے شاہ فرمان،محمد عاطف اور محمود خان جبکہ جے یو آئی کی نمائندگی مفتی فضل غفور سلیم مروت اور محمود بیٹنی کمیٹی میں شرکت کریں گے 6 رکنی پارلیمانی کمیٹی نگران وزیر اعلی کے لیئے تجویز کردہ ناموں پر غور کرے گی ،جے یو آئی نگران وزیر اعلی کے لئے جسٹس (ر) دوست محمد خان اور منظور آفریدی جبکہ تحریک انصاف کی جانب سے اعجاز قریشی اور حمایت اللہ کے نام دیئے گئے ہیں ،پارلیمانی کمیٹی کوئی فیصلہ نہ کر سکی تو معاملہ الیکشن کمیشن کے پاس جائے گا ۔