رواں مالی سال کے 11ماہ میں سرکاری شعبے کے ترقیاتی پروگرام کے تحت پیٹرولئیم اورقدرتی وسائل ڈویژن کے منصوبوں کیلئے مجموعی طورپر15520.056ملین روپے کے فنڈز جاری کئے گئے

اتوار جون 16:40

اسلام آباد ۔ (اُردو پوائنٹ اخبارتازہ ترین۔ 03 جون2018ء) رواں مالی سال کے 11ماہ میں سرکاری شعبے کے ترقیاتی پروگرام(پی ایس ڈی پی) کے تحت پیٹرولئیم اورقدرتی وسائل ڈویژن کے منصوبوں کیلئے مجموعی طورپر15520.056ملین روپے کے فنڈز جاری کئے ہیں، رواں مالی سال میں پی ایس ڈی پی کے تحت پیٹرولئیم اورقدرتی وسائل ڈویژن کے منصوبوں کیلئے مجموعی طورپر 16049.928ملین روپے کے فنڈز مختص کئے گئے ہیں۔

سرکاری اعدادوشمارکے مطابق جیالوجیکل سروے آف پاکستان کیلئے چارعدد ڈرلنگ رگز کی خریداری کیلئے 415.807ملین روپے، بدین اورجنوبی سندہ کے دیگرعلاقوں میں کوئلہ کے نئے ذخائر کیلئے 24.681ملین روپے، بلوچستان کے ضلع لسبیلہ کے علاقوں اوتھل اوربیلہ میں میٹالک منرلز کی تلاش اورتجزیہ کے منصوبہ کیلیء 5.892ملین روپے، سالٹ رینج پنجاب میں ٹرثری کول کی تلاش کیلئے 2.444ملین روپے اوربلوچستان کے علاقوں نوشام اوربہلول میں کوئلہ کی تلاش اورتجزیہ کے منصوبہ کیلئے 15.614ملین روپے کے فنڈز جاری کئے جاچکے ہیں۔

(جاری ہے)

اعداد وشمارکے مطابق مختلف علاقوں میں گیس کی فراہمی کے منصوبوں کیلئے بھی خطیررقوم جاری کی گئی ہیں، ناراوال میں گیس فراہمی منصوبہ کیلئے 387.421ملین روپے، سیالکوٹ 238.786ملین، لاہور300.402ملین، شیخوپورہ 340.466ملین، پشاور250ملین، سوات شانگلہ 252.317ملین روپے، ایبٹ آباد 700.020ملین، مری 28.963ملین، اورچکوال میں گیس کی فراہمی کے منصوبہ کیلئے 254.437ملین روپے کے فنڈز جاری کردئیے گئے ہیں۔اسی طرح جھنگ ، ساہیوال، اوکاڑہ اورننکانہ صاحب میں فراہمی گیس کے منصوبوںکیلئے بالترتیب 100ملین، 105.357ملین، 237.610ملین اور250 روپے کے فنڈز جاری کردئیے گئے ہیں۔