امیر حیدر ہوتی نے حلقہ این اے ون چترال کیلئے حاجی عیدالحسین کو ٹکٹ جاری کر دیا

اتوار 3 جون 2018 18:10

پشاور (اُردو پوائنٹ اخبارتازہ ترین - آئی این پی۔ 03 جون2018ء) عوامی نیشنل پارٹی کے پارلیمانی بورڈ کے چیئرمین امیر حیدر خان ہوتی نے حلقہ این اے ون چترال کیلئے حاجی عیدالحسین کو ٹکٹ جاری کر دیا ہے ، اس بات کا فیصلہ پارلیمانی بورڈ کے اجلاس میں کیا گیا جس کی صدارت صوبائی صدر امیر حیدر خان ہوتی نے کی جبکہ بورڈ کے ممبران بھی اس موقع پر موجود تھے ، فیصلے کے مطابق حاجی عید الحسین این اے ون چترال سے اے این پی کے امیدوار ہونگے۔