جیل نواز شریف کا انتظار کر رہی ہے، بہت جلد اپنے انجام کو پہنچیں گے،طاہر القادری

نواز شریف نے ملزم کی حیثیت سے احتساب عدالت میں پیشیاں بھگتی ہیں، شہباز شریف اور ان کے ٹولے کا بھی محاسبہ ضروری ہے، سربراہ پاکستان عوامی تحریک کی واپسی پر لاہور ایئرپورٹ پر میڈیا سے گفتگو

اتوار 3 جون 2018 18:10

لاہور(اُردو پوائنٹ اخبارتازہ ترین - آئی این پی۔ 03 جون2018ء) پاکستان عوامی تحریک کے سربراہ طاہر القادری نے کہا ہے کہ جیل نواز شریف کا انتظار کر رہی ہے، وہ بہت جلد اپنے انجام کو پہنچیں گے،نواز شریف نے ملزم کی حیثیت سے احتساب عدالت میں پیشیاں بھگتی ہیں، شہباز شریف اور ان کے ٹولے کا بھی محاسبہ ضروری ہے۔

(جاری ہے)

کینیڈا سے وطن واپسی پر لاہور ایئرپورٹ پر میڈیا سے گفتگو کرتے ہوئے پاکستان عوامی تحریک کے سربراہ طاہر القادری کا کہنا تھا کہ جیل نواز شریف کا انتظار کر رہی ہے اور وہ بہت جلد اپنے انجام کو پہنچنے والے ہیں۔

انہوں نے کہا کہ نواز شریف نے ملزم کی حیثیت سے احتساب عدالت میں پیشیاں بھگتی ہیں۔طاہر القادری نے کہا کہ احتساب عدالت نے نواز شریف سے 130 سوال پوچھے تھے جس کے جواب میں نواز شریف نے سیاسی تقریریں شروع کر دیں، ملک کو لوٹنے کے لیے کرپٹ سسٹم تراشہ گیا جب کہ شہباز شریف اور ان کے ٹولے کا بھی محاسبہ ضروری ہے۔