ویمنز ٹی ٹونٹی ایشیا کپ، پاکستان، بھارت اور سری لنکا کی ٹیموں کا فاتحانہ آغاز

پاکستانی ویمن ٹیم نے تھائی لینڈ ویمن کو با آسانی 8 وکٹوں سے شکست دی،سری لنکا نے بنگلہ دیش کو 6 وکٹوں اور بھارتی ویمنز نے میزبان ملائیشیا کو 142رنز کے واضح مارجن سے ہرا یا

اتوار جون 21:00

ویمنز ٹی ٹونٹی ایشیا کپ، پاکستان، بھارت اور سری لنکا کی ٹیموں کا فاتحانہ ..
کوالالمپور (اُردو پوائنٹ اخبارتازہ ترین۔ 03 جون2018ء) ویمنز ٹی ٹونٹی ایشیا کپ کرکٹ ٹورنامنٹ میں پاکستان،،، بھارت اور سری لنکا کی ٹیموں نے اپنے اپنے میچز جیت کر فاتحانہ آغاز کیا۔

(جاری ہے)

اتوار کو ملائیشیا میں شروع ہونے والے ایونٹ میں پاکستانی ویمن ٹیم نے تھائی لینڈ ویمن کو با آسانی 8 وکٹوں سے شکست دے کر ایونٹ میں جاندار انٹری کی، تھائی لینڈ ویمن ٹیم نے پہلے کھیلتے ہوئے مقررہ اوورز میں 8 وکٹوں کے نقصان پر 67 رنز بنائے، چن تم اور کپتان ٹیپوچ 17، 17 رنز بنا کر نمایاں رہیں، ثنا میر نے دو جبکہ دیانا بیگ، ناشرہ، ندا ڈار اور کائنات امتیاز نے ایک، ایک وکٹ لی، جواب میں پاکستانی ویمن نے مطلوبہ ہدف 13.1 اوورز میں2 وکٹوں پر پورا کیا، ناہیدہ خان 38 اور جویریہ خان 18 رنز بنا کر ناقابل شکست رہیں، منیبہ علی اور کپتان بسمعہ معروف 6، 6 رنز بنا کر آئوٹ ہوئیں، سری لنکا ویمن نے بنگلہ دیش ویمن کو 6 وکٹوں سے ہرا کر کامیابی سمیٹی، بھارت ویمن نے میزبان ملائیشیا ویمن کو 142 رنز کے واضح مارجن سے ہرا کر فتح اپنے نام کی۔