ایشین گیمز کی تیاری، سکواش قومی مرد و خواتین کھلاڑیوں کا تربیتی کیمپ میں جاری

اتوار 3 جون 2018 21:00

اسلام آباد(اُردو پوائنٹ اخبارتازہ ترین - آئی این پی۔ 03 جون2018ء) پاکستان سکواش فیڈریشن کے زیراہتمام ایشین گیمز کی تیاری کیلئے قومی مرد و خواتین کھلاڑیوں کا تربیتی کیمپ رمضان المبارک میں بھی مصحف علی سکواش کمپلیکس اسلام آباد میں جاری ہے ۔ تفصیلات کے مطابق پاکستان سکواش فیڈریشن کے گیم ڈویلپمنٹ آفیسر فلائٹ لیفٹیننٹ عامر اقبال کے مطابق تربیتی کیمپ میں4 مرد اور تین خواتین کھلاڑی تربیت حاصل کر رہے ہیں ۔

(جاری ہے)

تربیتی کیمپ میں جو کھلاڑی تربیت حاصل کر رہے ہیں ان میںمرد کھلاڑیوں میں فرحان زمان، طیب اسلم، عماد فرید اور عاصم خان جبکہ خواتین کھلاڑیوں میںمدینہ ظفر، فضا ظفر اور رفعت خان شامل ہیں اور انہیں کوچز جدید اور اعلی معیار کی تربیت دے رہے ہیں۔ رمضان المبارک میں قومی کھلاڑیوں کو افطاری کے بعد سہری تک دو سیشن میں تربیت دے رہے ہیں۔ ایشین گیمز18اگست سے 2 ستمبر تک ہوں گے جس میں مرد اور خواتین کھلاڑی پاکستان کی نمائندگی کریں گے۔ ایونٹ میںایشین ممالک کے نامور کھلاڑی ایکشن میں نظر آئیں گے۔