ویسٹ انڈیز اور سری لنکا کے درمیان پہلا ٹیسٹ (کل) شروع ہو گا

پیر 4 جون 2018 09:50

پورٹ آف سپین ۔ (اُردو پوائنٹ اخبارتازہ ترین - اے پی پی۔ 04 جون2018ء) ویسٹ انڈیز اور سری لنکا کی کرکٹ ٹیموں کے درمیان تین ٹیسٹ میچوں پر مشتمل سیریز کا پہلا میچ (کل) بدھ سے پورٹ آف سپین میں شروع ہو گا، سری لنکن ٹیم سیریز کھیلنے کیلئے پہلے ہی ویسٹ انڈیز پہنچ چکی ہے، آئی لینڈرز اور ویسٹ انڈیز پریذیڈنٹ الیون کے درمیان تین روزہ ٹور میچ ڈرا ہوا تھا، ٹور میچ میں سری لنکن کھلاڑیوں کی بیٹنگ و بائولنگ تسلی بخش رہی اسلئے ٹیسٹ سیریز میں دونوں ٹیموں کے درمیان کانٹے دار مقابلے کی توقع کی جا رہی ہے۔

(جاری ہے)

دونوں ٹیموں کے درمیان دوسرا ٹیسٹ 14 سے 18 جون تک سینٹ لوشیا جبکہ تیسرا اور آخری ٹیسٹ 23 سے 27 جون تک بارباڈوس میں کھیلا جائے گا۔