درجہ حرارت میں اضافے کے بعد دریاوں میں پانی کے بہائو میں نمایاں اضافہ

مختلف آبی ذخائر میں پانی کی آمد 2 لاکھ 40 ہزار500 کیوسک اور اخراج 2 لاکھ 10ہزار500 کیوسک ریکارڈ کیا گیا

پیر 4 جون 2018 16:10

اسلام آباد ۔ (اُردو پوائنٹ اخبارتازہ ترین - اے پی پی۔ 04 جون2018ء) درجہ حرارت میں اضافے کے بعد مختلف دریاوں میں پانی کے بہائو میں نمایاں اضافہ دیکھنے میں آیاہے، گزشتہ 24گھنٹوں کے دوران مختلف آبی ذخائر میں 2لاکھ40ہزار500کیوسک پانی کی آمد اور2لاکھ 10ہزار500کیوسک پانی کا اخراج ریکارڈ کیا گیا۔

(جاری ہے)

انڈس ریورسسٹم اتھارٹی کے مطابق تربیلہ ڈیم میں پانی کی آمد1400.81فٹ ریکارڈ کی گئی جو ڈیم میں پانی کی کم سے کم سطح سے 20فٹ 81انچ بلند ہے، ڈیم میں پانی کی آمد95ہزار600کیوسک اوراخراج 70 ہزار کیوسک ریکارڈ کیا گیا۔

منگلا ڈیم میں پانی کی سطح 1086.75فٹ ریکارڈ کی گئی جو ڈیڈ لیول سے 46.75فٹ بلند ہے، ڈیم میں پانی کی آمد 41ہزار900 کیوسک اوراخراج 38ہزارکیوسک ریکارڈ کیا گیا۔کالاباغ، تونسہ اورسکھر سے بالترتیب 1لاکھ20 ہزار400، 69ہزار200اور11ہزار400کیوسک پانی کااخراج ریکارڈ کیا گیا۔