ایمریٹس نے نیو وارک اور دبئی کے درمیان براہ راست پرواز کا آغاز کردیا
پیر 4 جون 2018 16:50
(جاری ہے)
اس کے نئے اوقات کار ایمریٹس کی موجودہ سروس میں شامل کئے گئے کیونکہ یہ مسافروں کو نیو وارک میں صبح آنے اور جانے کا نیا آپشن فراہم کررہی ہے۔
ایمریٹس کے نیٹ ورک میں اس دوسری یومیہ پرواز کے اضافے کی بدولت اسکی نیو وارک کے ساتھ کنکٹویٹی میں بہتری آئے گی اور خاص طور پر افریقہ، مشرق بعید اور برصغیر آنے جانے والے مسافروں کو فائدہ پہنچے گا۔ گزشتہ سال نیو وارک سے آنے و جانے والے مسافروں نے ممبئی، نئی دہلی، بیروت، بینکاک، دبئی، شنگھائی، ہانگ کانگ اور عدیس بابا کا بھی سفر کیا۔ اسکے علاوہ مسافرفلائی دبئی کے 90 سے زائد مقامات کے کوڈ شیئر سے بھی مستفید ہوسکتے ہیں۔ ایمریٹس کے ڈیویژنل سینئر وائس پریذیڈنٹ، کمرشل آپریشنز ویسٹ ہوبرٹ فراچ نے کہا، "ہم مسافروں کو ایمریٹس کے بہتر سفری آپشنز کی فراہمی پر کافی پرجوش ہیں۔ اس نان اسٹاپ پرواز سے نہ صرف ہماری ایوارڈ یافتہ سروس کی طلب پوری ہونے کے ساتھ نہ صرف اسکی گنجائش دو گنا ہوجائے گی بلکہ دبئی اور اس سے بھی آگے جانے والے مسافروں کے لئے پہلے سے بہتر انتخاب اور آسان کنکٹویٹی کی سہولت بھی فراہم ہوگی ۔ ہمیں توقع ہے کہ اس سروس سے مسافروں کی آمد میں اضافہ، کاروبار میں پھیلاؤ، اہم مقامات کے درمیان ثقافتی و تفریحی رابطے اور نیوجرسی میں کاروبار پھیلے گا اوراسکے نتیجے میں اسکی برآمدات دنیا بھر میں میں پھیلیں گی۔" اس نئی یومیہ پرواز کی بدولت عالمی سطح پر سفر کرنے والے مسافروں کے لئے ٹرائی اسٹیٹ خطے میں سفر کی سہولت آسان ہوجائے گی جو اس خطے کو ایمریٹس کے وسیع عالمی نیٹ ورک سے ملاتا ہے۔ خاص طور پر ایسے مسافر جو پاکستان، بھارت یا مالدیپ جیسے ملکوں سے طویل سفر طے کرکے نیو جرسی پہنچتے ہیں۔ اب ان کے سفر کا وقت کم ہوجائے گا خصوصاًًجب وہ کاروباری، فیملی تقاریب یا ہنی مون وغیرہ کے لئے سفر کر رہے ہوں۔ اس نئی پرواز کے اضافے کا مطلب ہے کہ ایمریٹس کی دبئی سے نیویارک یومیہ آپریٹ ہونے والی پانچ پروازیں بھی جاری رہیں گی۔ اب نیو وارک سے ایمریٹس کی ایک نان اسٹاپ فلائٹ براہ راست دبئی آپریٹ ہوگی جبکہ دوسری پرواز براستہ ایتھنز آپریٹ ہوگی۔ نیو جرسی اور ٹرائی اسٹیٹ خطے اور اس سے آگے جانے والے مسافر ایمریٹس کی جیٹ بلو ایئر ویز، الاسکا ایئرلائنز کے ساتھ شراکت داری کا فائدہ اٹھا سکتے ہیں جس کی بدولت وہ امریکہ، کیریبین اور میکسیکو بھر کے 100 سے زائد مقامات پر سفر کرسکتے ہیں۔ ایمریٹس سے سفر کرنے والے مسافر دبئی اسٹاپ اوور پیکج بک کروا سکتے ہیں جس کی بدولت وہ 155 سے زائد مقامات پر سفر کرنے سے قبل دبئی میں چند روز قیام بھی کرسکتے ہیں۔ ایمریٹس امریکہ کے 12 مقامات پر سفری سہولیات فراہم کررہا ہے اور ابھرتے ہوئے ممالک کے ساتھ امریکہ کی معاشی ترقی، تجارت اور ملازمت کے مواقع بڑھانے کے لئے معاونت کررہا ہے۔ مشرقی ایشیاء ، افریقہ اور ایشیا پیسفک نیٹ ورک کے 80 سے زائد مقامات میں سے 67 مقامات پر کوئی امریکی ایئرلائن براہ راست سفر کی سہولت فراہم نہیں کرتی۔ ایمریٹس کا بھارت اور امریکہ کے درمیان نیٹ ورک کا کوئی مقابلہ نہیں ہے اور کسی بھی غیرملکی ایئرلائن کے مقابلے میں ایمریٹس یہاں سب سے زیادہ پروازوں کی سہولت فراہم کرتا ہے اور یورپ کے مختلف مقامات سے کنیکٹ کرنے والی دیگر ایئرلائنوں کے مقابلے میں سفر کا وقت کم لیتا ہے۔مزید اہم خبریں
-
حزب اللہ کا حملہ: متعدد اسرائیلی فوجی زخمی، چھ کی حالت نازک
-
پاکستانی حکومت کے تحفظات جاننے کی کوشش کر رہے ہیں، ایکس
-
فلسطین کی مکمل رکنیت کے لیے اقوام متحدہ میں ووٹنگ آج
-
بہادری کا مظاہرہ کرنے والے پاکستانی کے لیے آسٹریلوی شہریت
-
تمام متعلقہ وزارتیں و شعبے ان منصوبوں میں گورنمنٹ ٹو گورنمنٹ معاہدوں کے ساتھ بزنس ٹو بزنس منصوبوں پر خصوصی توجہ دیں،وزیر اعظم
-
پارلیمنٹ کا مشترکہ اجلاس،آصف زرداری کے خطاب کے دوران پی ٹی آئی اراکین کا شورشرابہ واحتجاج
-
چیلنجز پر قابو پانا نا ممکن نہیں‘ دانشمندی اور پختگی کی ضرورت ہے، صدر زرداری
-
ترقیاتی منصوبوں میں کرپشن ریفرنس، پرویز الٰہی کے شریک ملزم نے پلی بارگین کرلی
-
ملت ایکسپریس واقعہ، ملوث اہلکار کی گرفتاری کیلئے وزارت داخلہ کو خط لکھ دیا گیا
-
پیپلز پارٹی پنجاب کے ضمنی الیکشن میں (ن) لیگ کے امیدواروں کی مکمل حمایت کریگی‘راجہ پرویز اشرف
-
عدالتوں میں ججز کی خالی آسامیوں پر تقرری ترجیح ہے‘چیف جسٹس قاضی فائزعیسیٰ
-
چیئرمین سینیٹ سے مرکزی رہنما پاکستان پیپلز پارٹی و سابق اپوزیشن لیڈر سید خورشید احمد شاہ کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.