چیف جسٹس آف پاکستان نے اسلام آباد کی پہاڑیوں پر جنگلات میں لگنے والی آگ کا ازخود نوٹس لے لیا، متعلقہ حکام کو نوٹسز جاری

پیر 4 جون 2018 21:37

اسلام آباد ۔ (اُردو پوائنٹ اخبارتازہ ترین - اے پی پی۔ 04 جون2018ء) چیف جسٹس آف پاکستان میاں ثاقب نثار نے مارگلہ ہلز اسلام آباد کی پہاڑیوں پر جنگلات میں لگنے والی آگ کا ازخود نوٹس لیتے ہوئے متعلقہ حکام کو نوٹسز جاری کردیئے ہیں ۔

(جاری ہے)

پیر کوچیف جسٹس نے یہ نوٹس ذرائع ابلاغ میں چھپنے والی خبروں پر لیا اور اس آتشزدگی کو جنگلات، جنگلی حیات، ماحولیات کے لئے سنگین خطرہ قرار دیا ہے ۔کیس کی سماعت 7 جون کومقرر کردی ہے، اٹارنی جنرل ، سیکرٹری ماحولیات، سیکرٹری کیڈ، میئر اسلام آباد، میٹرو پولیٹن کارپوریشن اسلام آباد، چیف کمشنر اسلام آباد، چیئرمین سی ڈی اے کو نوٹسز جاری کردیئے گئے ہیں، چیف جسٹس کی سربراہی میں تین رکنی بنچ کیس کی سماعت کرے گا۔