آئین کے آرٹیکل 62،63 پر عمل کرنے سے جمہوریت ،پارلیمنٹ،ووٹ اور ووٹر کو عزت ملے گی: ڈاکٹر طاہر القادری

مرکزی سیکرٹریٹ میں کو ر کمیٹی اور قومی اسمبلی کے امیدواروں کے اجلاس سے خطاب

پیر 4 جون 2018 23:57

آئین کے آرٹیکل 62،63 پر عمل کرنے سے جمہوریت ،پارلیمنٹ،ووٹ اور ووٹر ..

لاہور (اُردو پوائنٹ اخبارتازہ ترین - آن لائن۔ 04 جون2018ء) پاکستان عوامی تحریک کی سنٹرل کور کمیٹی اور قومی اسمبلی کے امیدواران کے مشترکہ اجلاس سے خطاب کرتے ہوئے پاکستان عوامی تحریک کے سربراہ ڈاکٹر محمد طاہر القادری نے کہا ہے کہ جمہوریت،پارلیمنٹ،ووٹ اور ووٹر کو عزت دینے کیلئے آئین کے آرٹیکل 62،63 پر اسکی روح کے مطابق عمل درآمد کرنا ہو گا ورنہ گندگی پلٹ کر اسمبلیوں میںآئے گی اور سیاسی بحران بڑھیں گے۔

انہوں نے کہا کہ حیرت ہے کاغذات نامزدگی میں اندرون و بیرون ملک اثاثے،ڈیفالٹ،مقدمات سمیت اہم معلومات چھپانے کی قانونی سہولت مہیا کر دی گئی۔ڈاکٹر طاہر القادری نے کہا کہ اگر اس ملک سے کرپشن کا خاتمہ کرنا ہے تو پھر ایماندار،دیانتدار نمائندے اسمبلیوں میں بھیجنے ہوں گے۔

(جاری ہے)

دولت،دھن،دھونس اور دھاندلی کے تمام دروازے بند کرنے ہوں گے۔یہ اسی وقت ممکن ہے جب آئین کے آرٹیکل 62،63 پر عمل ہو گا۔

قوم نے کرپٹ عناصر کے خاتمے کیلئے مذکورہ آرٹیکلز سے بڑی امیدیں وابستہ کر رکھی ہیں انہیں پورا نہ کرنا آئین کی توہین اور بہت بڑا ظلم ہو گا ۔سنٹرل کور کمیٹی کا اجلاس آج بھی جاری رہے گا اور سربراہ عوامی تحریک دوسرے روز کے اجلاس کے اختتام پر میڈیا سے گفتگو بھی کریں گے۔اجلاس میں آئندہ الیکشن میں حصہ لینے والے امیدواروں نے بھی شرکت کی۔