سپریم کورٹ ، طلبہ کو داخلہ دینے کے حکم پر عملدرآمد نہ کرنے والے پانچ میڈیکل کالجز کو نوٹسز جاری

منگل 5 جون 2018 16:14

اسلام آباد(اُردو پوائنٹ اخبارتازہ ترین - آن لائن۔ 05 جون2018ء) سپریم کورٹ نے طلبہ کو داخلہ دینے کے حکم پر عملدرآمد نہ کرنے والے پانچ میڈیکل کالجز کو نوٹسز جاری کر کے ان کے سربراہان کو وضاحت کیلئے ہفتے کو کراچی رجسٹری میں طلب کر لیا ہے۔

(جاری ہے)

منگل کے روز چیف جسٹس ثاقب نثار کی سربراہی میں تین رکنی بینچ نے بلوچستان کینجی میڈیکل کالجزمیں داخلوں سے متعلق کیس کی سماعت کی، چیف جسٹس نے استفسار کیا کہ کیا تمام طلبہ کو داخلے مل گئے ہیں جس پر رجسٹرار پی ایم ڈی سی نے بتایا کہ پچیس طلبہ کو تاحال داخلے نہیں مل سکے، کراچی میڈیکل اینڈ ڈینٹل کالج عدالتی حکم نہیں مان رہا، جبکہ آرمی میڈیکل کالج کو جی ایچ کیو کی اجازت کا انتظار ہے،سپریم کورٹ نے آرمی میڈیکل کالج راولپنڈی، کراچی میڈیکل ڈینٹل کالج،پنجاب میڈیکل کالج، فیصل آباد میڈیکل کالج اور ڈاؤ میڈیکل کالج کو نوٹسز جاری کرتے ہوئے عدالتی حکم پرعمل نہ کرنے پر وضاحت طلب کرلی ہے،جبکہ ان میڈیکل کالجز کے سربراہان کو ہفتے کو کراچی رجسٹری میں پیش ہونے کا حکم دیا ہی