بھارتی فٹبال کپتان سنیل چیتری کی جذباتی اپیل اور کرکٹ قائد ویرات کوہلی کی حمایت

کینیا سے میچ کیلیے تمام ٹکٹیں فروخت ہوگئیں،ممبئی کے فٹبال ایرینا کی 15 ہزار نشستیں بھری ہوئی تھیں،ایک شائق نے میچ کی ایک ہزار ٹکٹیں خرید لیں

منگل 5 جون 2018 16:23

نئی دہلی(اُردو پوائنٹ اخبارتازہ ترین - آن لائن۔ 05 جون2018ء) بھارتی کرکٹ قائد ویرات کوہلی کی ٹویٹ کے بعد کینیا سے میچ کیلیے تمام ٹکٹیں فروخت ہوگئیں۔بھارتی فٹبال کپتان سنیل چیتری کی جذباتی اپیل اور کرکٹ قائد ویرات کوہلی کی حمایت کے بعد کینیا سے میچ کیلیے تمام ٹکٹیں فروخت ہوگئیں۔ ممبئی کے فٹبال ایرینا کی 15 ہزار نشستیں بھری ہوئی تھیں،ایک شائق نے تو اس انٹرکانٹی نینٹل کپ میچ کی ایک ہزار ٹکٹیں خرید لیں۔

(جاری ہے)

یاد رہے کہ گذشتہ ہفتے تائیوان سے بھارت کے فٹبال میچ میں 2 ہزار کے قریب لوگوں نے اسٹیڈیم کا رخ کیا تھا، جس پر سنیل چیتری نے جذباتی ویڈیو پیغام میں لوگوں سے کہا تھا کہ وہ انٹرنیٹ پر باتیں کرنے کے بجائے اسٹیڈیم آئیں اور جوکہنا ہے ان کے منہ پر کہیں، کوہلی اور سابق بیٹسمین سچن ٹنڈولکر نے بھی شائقین سے ملکی فٹبال ٹیم کو سپورٹ کرنے کی درخواست کی تھی۔بھارت میں اس وقت انٹرکانٹی نینٹل کپ جاری جس کی چوتھی ٹیم نیوزی لینڈ ہے۔۔