صوابی ، کنویں میں زہریلی گیس سے دم گھٹنے کے باعث 2افراد جاں بحق ،4بے ہوش ہوگئے

منگل 5 جون 2018 18:10

صوابی (اُردو پوائنٹ اخبارتازہ ترین - آئی این پی۔ 05 جون2018ء) صوابی کے علاقے زروبی میں آرہٹ کے کنویں میں زہریلی گیس سے دم گھٹنے کے باعث دو افراد جاں بحق جبکہ چار بے ہوش ہوگئے جنہیں فوری طورطبی امداد کیلئے ہسپتال پہنچادئیے گئے۔

(جاری ہے)

تفصیلات کے مطابق زروبی میں بدر سلام عرف سپینے آرہٹ کے کنویں سے کھیتوں کو سیراب کرنے کے بعد جنریٹر بند کرنے لگاتو اس دوران وہ کنویں میں گرگیا جس کو بچانے کیلئے مشتاق احمد بھی کنویں میں اُترگیا ،دونوں کو بچانے چار ساتھی بھی اُترگئے ،کنویں میں زہریلی گیس سے بدرسلام عرف سپینے اور مشتاق احمد جاں بحق جبکہ دیگر چار ساتھی عزیز ، واحد ،محسن اور شیرنبی بے ہوش ہوگئے جنہیں طبی امداد کیلئے غازی ہسپتال منتقل کردیا گیا ۔