آزادکشمیر حکومت کا گاڑیوں کا ریکارڈ کمپیوٹرائزڈ کرنے کیلئے نجی آئی ٹی کمپنی سے معاہدہ

منگل 5 جون 2018 20:37

اسلام آباد (اُردو پوائنٹ اخبارتازہ ترین - آن لائن۔ 05 جون2018ء) آزادکشمیر حکومت نے آزاد ریاست بھر میں ہزاروں گاڑیوں کا ریکارڈ کمپیوٹرائزڈ کرنے کیلئے نجی آئی ٹی کمپنی سے معاہدہ کر لیا ۔ کمپیوٹرائزیشن کے منصوبہ پر عملدرآمد کیلئے چیئرمین ٹرانسپورٹ اتھارٹی راجہ محمد عباس خان، سیکرٹری ٹرانسپورٹ اتھارٹی ندیم احمد جنجوعہ، سیکرٹری ریجنل ٹرانسپورٹ اتھارٹی چوہدری ثاقب علی نے پراجیکٹ پر عملدرآمد بھی شروع کروا دیا۔

(جاری ہے)

تفصیلات کے مطابق موجودہ حکومت نے عوام کی سہولت کے کیے یہ اقدام اٹھایا ہے ۔ محکمہ ٹرانسپورٹ جو پبلک سروس گاڑیوں کو ریگولرائز کرتا ہے کا ریکارڈ کمپیوٹرائزڈ ہونے کا معاہدہ سی ڈیجیٹل کمپنی کے ساتھ مکمل طے پا گیا ہے معاہدہ کی اس تکمیل کے منصوبہ پر کام کا آغاز بھی کر دیا گیا ہے محکمہ ٹرانسپورٹ جو قریب30ہزار پبلک سروس گاڑیاں ریگولرائز کرتا ہے کی کمپیوٹرائزیشن کے بعد جہاں ریاستی آمدن میں آضافہ ہو گا ۔ وہاں ٹرانسپورٹرزکے مابین جھگڑوں اور استحصال کا خاتمہ بھی ہو جائیگا۔