شہباز شریف کو چاہیے کہ آصف علی زرداری کے خلاف بیان بازی کی بجائے اپنے اعمال کا حساب دیں، نیئر حسین بخاری

قوم اس بات کی منتظر ہے کہ شہباز شریف سانحہ ماڈ ل ٹاو،ْن کے جرم میں کب قانون کی گرفت میں آتے ہیں اور کب انصاف کے کٹہرے میں کھڑے ہوں گے، سیکرٹری جنرل پاکستان پیپلز پارٹی

منگل 5 جون 2018 21:24

اسلام آباد(اُردو پوائنٹ اخبارتازہ ترین - آن لائن۔ 05 جون2018ء) نپاکستان پیپلز پارٹی کے سیکریٹری جنرل سید نیر حسین بخاری کہا ہے کہ شہباز شریف کو چاہیے کہ آصف علی زرداری کے خلاف بیان بازی کی بجائے اپنے اعمال کا حساب دیں۔ قوم اس بات کی منتظر ہے کہ شہباز شریف سانحہ ماڈ ل ٹاو،ْن کے جرم میں کب قانون کی گرفت میں آتے ہیں اور کب انصاف کے کٹہرے میں کھڑے ہوں گے۔

انہوں نے کہا کہ عمران نیازی گملے میں اگے ہوئے پھو ل ہیں گملے میں ہی سوکھ جائیں گے۔

(جاری ہے)

نیر بخاری نے کہا کہ گملے میں اگائے گئے سیاستدان سیاسی شعور نہیں رکھتے۔ نواز شریف بھی گملے ہوئے اگے ہوئے سیاستدان تھے اس طرح جو لوگ عمران نیازی کو لیڈر مانتے ہیں ان کی سوچ پر رحم آتا ہے۔ نیر حسین بخاری نے کہا کہ پاکستان پیپلزپارٹی کا ہر کارکن سیاسی شعور رکھتا ہے اور پیپلزپارٹی کا ہر کارکن کی جمہوریت کے لئے جدوجہد کی تاریخ ہے۔ انہوں نے کہا کہ آئندہ انتخابات عمران نیازی کے آخری انتخابات ہیں۔ اس کے بعد پی ٹی آئی بھی قصہ پارینہ بن جائے گی۔ن۔۔۔۔۔۔۔۔۔۔۔۔۔۔۔۔۔۔۔طارق ورک