کردار کشی سے رکنے والی نہیں، ہر عدالت میں سامنا کروں گی ، ریحام خان

منگل 5 جون 2018 23:50

لاہور (اُردو پوائنٹ اخبارتازہ ترین - آئی این پی۔ 05 جون2018ء) ریحام خان نے بھی اپنے موقف پر قائم رہتے ہوئے کہا ہے کہ کسی کے ایجنڈے پر نہیں ہوں، جب چاہوں گی کتاب منظرعام پر لے آں گی۔ ایک نجی ٹی وی کو خصوصی انٹرویو میں ریحام خان کا کہنا تھا کہ وہ اپنی کردار کشی سے رکنے والی نہیں ہیں بلکہ ہر عدالت میں سامنا کریں گی۔

(جاری ہے)

انہوں نے دعوی کیا کہ وہ کسی کے ایجنڈے پر کام نہیں کر رہی ہیں، وہ جب چاہیں گی اپنی کتاب منظرِ عام پر لے آئیں گی۔

انہوں نے کہا کہ اب میں آزاد ہوں، کوئی مجھے کنٹرول نہیں کر سکتا۔ریحام خان نے حمزہ علی عباسی پر لفافہ لے کر شہباز شریف کی مہم چلانے کا الزام لگاتے ہوئے کہا کہ وہ اپنے ہی لیڈر کو بدنام کر رہے ہیں۔ انہوں نے کہا کہ میں سچ لکھوں گی اور ہر عدالت میں سامنا بھی کروں گی، میں کسی کے ایجنڈے پر نہیں ہوں، لوٹے شرمندہ ہوں گے اور انہیں اپنے الفاظ واپس لینا پڑیں گے۔