رواں مالی سال کے 10 مہینوں میں گڑ کی برآمدات میں 26.76فیصد اضافہ

بدھ 6 جون 2018 15:29

اسلام آباد ۔ (اُردو پوائنٹ اخبارتازہ ترین - اے پی پی۔ 06 جون2018ء) رواں مالی سال کے 10 مہینوں میں ملک سے گڑ کی برآمدات میں 26.76فیصد اضافہ ریکارڈ کیا گیا۔

(جاری ہے)

ادارہ شماریات پاکستان کے اعدادوشمارکے مطا بق جولائی تا اپریل پاکستان نے گڑ کی برآمدات سے 30.06 ملین ڈٖالر کا زرمبادلہ کمایا جو گزشتہ سال کے اسی عرصہ کے مقابلے میں 26.76 فیصد زیادہ ہے۔ گزشتہ سال اسی عرصہ کے دوران پاکستان نے گڑ کی برآمدات سے 23.7 ملین ڈالرکا زرمبادلہ حاصل کیا تھا۔سالانہ بنیادوں پر اپریل کے مہینے میں گڑ کی برآمدات میں 2.03 فیصد اضافہ ریکارڈ کیا گیا۔