چیف ایگزیکٹو کرکٹ آسٹریلیا کا اگلے برس عہدہ چھوڑنے کا اعلان

بدھ 6 جون 2018 15:49

سڈنی (اُردو پوائنٹ اخبارتازہ ترین - آئی این پی۔ 06 جون2018ء) کرکٹ آسٹریلیا کے چیف ایگزیکٹو جیمز سدرلینڈ نے اگلے برس اپنا عہدہ چھوڑنے کا فیصلہ کرلیا۔

(جاری ہے)

میلبورن میں پریس کانفرنس کے دوران انہوں نے بتایا کہ اس فیصلے سے اپنے بورڈ کو آگاہ کردیا ہے، وہ بارہ ماہ بعد اپنے عہدے سے ریٹائر ہوجائیں گے۔جیمز سدر لینڈ نے 2001 میں کرکٹ آسٹریلیا کے باس کی حیثیت سے ذمہ داریاں سنبھالیں، وہ کرکٹ آسٹریلیا کے طویل ترین چیف ایگزیکٹیو رہے۔جنوبی افریقہ کے خلاف کیپ ٹاون ٹیسٹ میں کینگروز کپتان اور کھلاڑیوں کی بال ٹیمپرنگ کے بعد جیمز سدرلینڈ کو دباو کا سامنا تھا۔