بیس کیمپ کو با اختیار اور با وقار بنانے کے لیے آئینی اصلاحات میں راجہ فاروق حیدر اور عبدالرشید ترابی کا کردار تاریخ کا سنہری باب ہے‘جماعت اسلامی آزاد کشمیر

بدھ 6 جون 2018 16:07

اسلام آباد(اُردو پوائنٹ اخبارتازہ ترین - آئی این پی۔ 06 جون2018ء) جماعت اسلامی آزاد جموں وکشمیر نے آئینی اصلاحات کی تحسین اور اس کو اہم سنگ میل قرار دیا ہے،بیس کیمپ کو با اختیار اور با وقار بنانے کے لیے آئینی اصلاحات میں راجہ فاروق حیدر اور عبدالرشید ترابی کا کردار تاریخ کا سنہری باب ہے،جماعت اسلامی نے آئینی اصلاحات کے حوالے سے کئی آل پارٹیز کانفرنسز منعقد کیں،1998میں آئینی اصلاحات کا پرائیویٹ بل عبدالرشید ترابی نے تیار کیا جو اسمبلی ریکارڈ میں موجود ہے،فاروق حیدر خان اور عبدالرشید ترابی کی کوششوں اور کاوشوں سے کشمیریوں کا تشخص بحال ہوا،جماعت اسلامی کا کردار نکھر کر سامنے آیا ہے تاریخ میں ایسے مراحل پر پتہ چلتا ہے کہ کون کیا کردار ادا کررہا ہے جماعت اسلامی نے ہمیشہ قومی تشخص کی بحالی اور آزاد خطے کو با اختیار اور باوسائل بنانے کے لیے کردار ادا کیا ہے ۔