محمود خان اچکزئی ملک دشمن منظور پشتین کے حق میں کھل کر سامنے آگئے

پٹھان منظور پشتین کا ساتھ دیں اور ظلم کیخلاف باہر نکلیں ، سربراہ پشتونخوا ملی عوامی پارٹی کا ویڈیو پیغام

بدھ جون 16:38

محمود خان اچکزئی ملک دشمن منظور پشتین کے حق میں کھل کر سامنے آگئے
اسلام آباد(اُردو پوائنٹ اخبارتازہ ترین۔ 06 جون2018ء) محمود خان اچکزئی ملک دشمن منظور پشتین کے حق میں کھل کر سامنے آگئے ، محمود خان اچکزئی کی جانب سے لسانیت پر مبنی تقاریر نے لوگوں کو بغاوت پر اکساتے ہوئے پشتون تحفظ موومنٹ کی حمایت کا اعلان کردیا پٹھان منظور پشتین کا ساتھ دیں اور ظلم کیخلاف باہر نکلیں ۔

(جاری ہے)

پشتونخوا ملی عوامی پارٹی کے سربراہ محمود خان اچکزئی نے اپنے ویڈیو پیغام میں کہا ہے کہ میں اپیل کرتا ہوں کہ تحریک پشتون تحفظ موومنٹ کا ساتھ دیں اور زیادتی کیخلاف باہر نکل آئیں انہوں نے کہا کہ تمام پٹھان خواہ وہ پاکستان میں ہوں یا دنیا بھر میں وہ زیادتی کیخلاف منظم قوم کے طور پر اٹھ کھڑے ہوں بین الاقوامی اداروں میں آواز اٹھائیں جہاں وہ رہتے ہیں شہروں میں جلسے جلوس اور پریس کانفرنس کریں انہوں نے پشتون خواہ ملی عوامی پارٹی کے کارکنوں کو ہدایت کی کہ وہ پوری طاقت اور انرجی کے ساتھ اس زیادتی کیخلاف تیار رہیں کیونکہ پشتون تحفظ موومنٹ کے نام سے ایک تحریک چل رہی ہے جس نے پاکستان بھر میں جلسے جلوس کئے واضح رہے منظور پشتین پہلے بھی کئی بار ملک کیخلاف باتیں کرچکے ہیں ان کے افغانستان حکومت سے تعلقات بھی سامنے رہے ہیں مگر اب تو انہوں نے لسانیت پر مبنی تقاریر سے لوگوں کو بغاوت پر اکسانے کا پیغام جاری کردیا ہے ۔