پاکستان تحریک انصاف بلوچستان کی ترقی اور امن و امان کیلئے ہنگامی بنیادوں پر اقدامات کریں گے ،سردار یار محمد رند

بدھ 6 جون 2018 17:30

کوئٹہ (اُردو پوائنٹ اخبارتازہ ترین - این این آئی۔ 06 جون2018ء) پاکستان تحریک انصاف بلوچستان کے صوبائی صدر سردار یار محمد رند نے کہا ہے کہ پورے بلوچستان سے اچھی شخصیات کے حامل افراد کے ساتھ پاکستان تحریک انصاف بھرپور مقابلہ کرے گی پاکستان تحریک انصاف بلوچستان کی ترقی اور امن و امان کے لئے ہنگامی بنیادوں پر اقدامات کریں گے پاکستان کی ترقی بلوچستان سے وابستہ ہے، بلوچستان کو ستر سالوں سے ترقی سے دور رکھا گیا انشائ اللہ بلوچستان کی محرومیوں کا ازالہ کریں گے ،ان خیالات کا اظہار پاکستان تحریک انصاف بلوچستان کے صوبائی صدر سردار یار محمد رند نے نصیر آباد کی معروف سیاسی و قبائلی شخصیت میر نثار کھوسہ کی پاکستان تحریک انصاف میں شمولیت کے موقع پر کیا ،ان کا کہنا تھا کہ میر نثار کھوسہ کا یہ فیصلہ جراتمندانہ ہے جو نصیر آباد، صحبت پور کی عوام کے لئیے بہترین فیصلہ ثابت ہوگا،ان کا مزید کہنا تھا کہ پاکستان تحریک انصاف پورے بلوچستان سے امیدوار کھڑے کریں گی ہماری جنگ کرپٹ مافیا کے ساتھ ہیں جنہوں نے صوبے کو بے دردی سے لوٹا اس موقع پر میر نثار کھوسہ نے سردار یار محمد رند پر مکمل بھروسہ کرتے ہوئے ان کی قیادت میں اپنے ہزاروں ساتھیوں سمیت پاکستان تحریک انصاف میں شمولیت کا اعلان کیا