نگران وزیر خزانہ ڈاکٹر شمشاداخترکی زیر صدارت وزارت تجارت کی کارکردگی سے متعلق جائزہ اجلاس

بدھ 6 جون 2018 21:01

اسلام آباد ۔ (اُردو پوائنٹ اخبارتازہ ترین - اے پی پی۔ 06 جون2018ء) نگران وزیر خزانہ ڈاکٹر شمشاداختر نے کہا ہے کہ ہمیں ایسی مالیاتی پالیسی تیارکرنے کی ضرورت ہے جس سے کاروبار میں سہولت ہو، اس طرح کام کیا جائے گا جس سے مستقبل میں ملک کافائدہ ہو گا۔ وہ بدھ کو وزارت تجارت کی کارکردگی سے متعلق جائزہ اجلاس کی صدارت کررہی تھی۔ اس موقع پر انہوں نے درآمدات میں کمی اور ملکی برآمدات کو مزید مسابقتی بنانے کے حوالے سے مختصر مدتی اقدامات پر بات چیت کی۔

سیکرٹری تجارت یونس ڈھاگہ نے انہیں درآمدات و برآمدات کی صورتحال کے بارے میں بریفنگ دی۔

(جاری ہے)

انہوں نے ملکی برآمدات میں کمی کی وجوہات اور صورتحال میں بہتری کے لئے مختصر مدتی اقدامات اور طویل المدتی پالیسی کے بارے میں آگاہ کیا۔ انہوں نے وزیر خزانہ کو تجارت سے متعلق سرمایہ کاری پالیسی فریم ورک کے ابتدائی مسودہ کے بارے میں بتایا۔ وزیر خزانہ نے وزارت تجارت کے آئندہ ہفتے غیرضروری برآمدات کے بارے میں تفصیلی بریفنگ دی جائے اور وزارت تجارت کو درپیش ڈھانچہ جاتی مسائل کے بارے میں آگاہ کیاجائے۔ انہوں نے وزارت کی جانب سے اہم مسائل اجاگر کرنے کے حوالے سے کوششوں کو سراہا اور اور فوری نوعیت کے تمام امور پر مکمل تعاون فراہم کی یقین دہانی کرائی۔