لاہور میں بول نیوز کے سینئر صحافی اسد کھرل پر نامعلوم افراد کے حملے ، بہیمانہ تشدد ، وقت نیوز کی اینکر پرسن گل بخاری کے اغوا کی شدید مذمت کرتے ہیں،بلوچستان یونین آف جرنلسٹس

بدھ 6 جون 2018 22:00

کوئٹہ (اُردو پوائنٹ اخبارتازہ ترین - این این آئی۔ 06 جون2018ء) بلوچستان یونین آف جرنلسٹس نے لاہور میں بول نیوز کے سینئر صحافی اسد کھرل پر نامعلوم افراد کے حملے اور ان پر بہیمانہ تشدد ، وقت نیوز کی اینکر پرسن گل بخاری کے اغوا کی شدید مذمت کی ہے اور اسے آزادی اظہار پر حملہ قرار دیا ہے۔

(جاری ہے)

بی یو جے نے اپنے ایک مذمتی بیان میں لاہور میں رونما ہونے والے واقعات پر انتہائی غصہ کا اظہار کرتے ہوئے حکومت سے مطالبہ کیا کہ وہ فوری طور پر ان واقعات کا نوٹس لے اور اس کی ہائی کورٹ کے جج کے ذریعے تحقیقات کرائے۔

حکومت کو خبردار کیا کہ بی یو جے ان واقعات کو صحافیوں کوپیشہ ورانہ فرائض سے روکنے اور پریس کی آزادی پرقدغن لگانے کے مترادف سمجھتی ہے۔ صحافی اس قسم کے اوچھے ہتھکنڈوں کے خلاف ہمیشہ آواز اٹھاتے رہے ہیں اور آئندہ بھی کسی خوف کے بغیر آزادی اظہار پر حملوں کے خلاف جدوجہد جاری رکھیں گے۔

Facebook Twitter Google + Share on Whatsapp

متعلقہ عنوان :

مزید قومی خبریں